ادىلقازىلار القاسىنىڭ پىكىرى مەن اقىن-جازۋشىلاردىڭ بۇل كونكۋرس تۋرالى پايىمدارى دا بولەك.
تولەن ابدىك, قازىلار القاسىنىڭ توراعاسى:
«قر پرەزيدەنتى اكىمشىلىگى مەن مادەنيەت جانە سپورت مينيسترلىگى قولداۋ كورسەتكەن بايقاۋ, ءسوزسىز, قازاقستاننىڭ مادەني ومىرىندە ماڭىزدى وقيعا رەتىندە نازار اۋدارتقانى انىق. شىعارماشىلىق الامان قازاق ادەبيەتىن حالىقارالىق دەڭگەيدە تانىتۋعا جانە ەلباسى نۇرسۇلتان نازارباەۆتىڭ «بولاشاققا باعدار: رۋحاني جاڭعىرۋ» باعدارلامالىق ماقالاسىندا بەلگىلەنگەن مىندەتتەردى ىلگەرىلەتۋگە ىقپال ەتەدى دەگەن سەنىمدەمىز. ادەبي باسەكەدە جاسى مەن كاسىبىنە قاراماستان, ادەبيەت مايتالماندارىمەن بىرگە, جاس اقىن-جازۋشىلاردىڭ دا دامىپ كەلە جاتقانىن كورسەتتى. ءوزىم سۇيسىنە وقىعان شىعارمالاردىڭ ءبىرى – ىرىسبەك دابەي ۇلىنىڭ «جىلقى جىلاعان جاز» رومانى. ءوزى ءبىزدىڭ اۋىلدا وتكەن وقيعا ەكەن. ارالباي دەگەن جەرە مەن ونىنشى سىنىپتى بىتىرگەنمىن. وقيعانى ءبىلۋى, سيۋجەتتى قۇرۋى, سويلەمى قۇراۋى ءبارى جاتىق. ءتىلى كوركەم».
مەيىرحان اقداۋلەت:
«تالعاممەن تالاسۋعا بولمايدى. قازىلار القاسىنىڭ ارقايسىسىنىڭ ءوزىنىڭ تالعامى بار. ماراپاتقا يە بولعان اعالارىمىزدان باستاپ, ءبىز ءۇمىت كۇتەتىن جاستارعا دەيىن ساحناعا شىقسا, قۇداي بىلەدى, ولاردىڭ سىرتىندا 15-20 دارىندى جىگىتتەر مەن قىزدار قالدى. ءبىز ءادىل, ءوز شەشىمىمىزدى ايتتىق. ەل جاعالاپ ءجۇرىپ, ماعان داۋىس بەر دەگەن اڭگىمە بولعان جوق. مەن سوعان قۋاندىم».
تىنىمباي نۇرماعامبەتوۆ:
«ادەبيەت ۇلى بولماي, حالىق ۇلى بولمايدى» دەگەن عابەڭنىڭ ءسوزى بار. كەڭەس ۇكىمەتىنىڭ كەزىندە ادەبيەت دارىپتەلىپ تۇرعاندا ايتىلعان ءسوز دەپ قابىلداۋعا بولادى ءبىر ەسەپتەن. ەكىنشىدەن, عابەڭنىڭ ءوزىنىڭ پاڭدىق مىنەزىمەن ايتىلعان پىكىر دەپ قابىلداۋعا بولادى. بۇگىنگى تاڭدا ويلاپ قاراساق, تاۋەلسىزدىك جىلدارى ءارتۇرلى ويلار بولدى. جازۋشىلار ءسانتۇرلى تاراپقا كەتتى. بۇگىن ءبىر قايىرىلعان كۇن بولدى. ادەبيەت بولماي – ۇلت بولمايدى. ۇلتتىق تاربيەگە كەلگەندە ادەبيەتتى اتتاپ كەتۋ مۇمكىن ەمەس».
ساۋىتبەك ءابدراحمانوۆ:
«ولجاس سۇلەيمەنوۆتىڭ «ەگەمەن قازاقستان» گازەتىنە بەرگەن سۇحباتىندا «شەكسپيرى جوق ەلدىڭ نتونى دا جوق» دەگەن ءسوزى بار ەدى. دەمەك, ادەبيەت دامىماي, كوپ نارسە وزگەرمەيدى. رۋح دەگەن رۋحانيات قانا ەمەس, جالپى ۇلتتىڭ جانى. بۇل بايگەنىڭ اتى وسى ۇعىمدى ءدال تاپقان. قۇتتى بولسىن!»
پروزا: رومان, پوۆەست اتالىمى:
1-ورىن– ىرىسبەك دابەي ۇلى, الماتى ق.
گران-پري - تىنىمباي نۇرماعامبەتوۆ, الماتى ق.
پروزا: اڭگىمە, ەسسە اتالىمى:
1-ورىن- ۇلاربەك نۇرعالىم, استانا ق.
گران-پري - نەسىپبەك ءداۋتاي ۇلى, جامبىل وبل.
پوەزيا: پوەما اتالىمى:
1-ورىن– نەسىپبەك ايت ۇلى, استانا ق.
گران-پري - باقىت بەدەلحان, الماتى ق.
پوەزيا: ولەڭدەر جيناعى اتالىمى:
1-ورىن – راۋزا حۋزاحمەتوۆا, رف, تاتارستان رەسپۋبليكاسى.
گران-پري - ىقىلاس وجاي ۇلى, استانا ق.
ۇزدىك دراماتۋرگيا اتالىمى:
1-ورىن – ارداق نۇرعازى, الماتى ق.
گران-پري - سەرىك اسىلبەك ۇلى, الماتى ق.
ادەبي سىن اتالىمى:
1-ورىن –بەكزات سماديار, الماتى ق.
گران-پري -امانگەلدى كەڭشىلىك ۇلى,استانا ق.
بالالارعا ارنالعان پوەزيا اتالىمى:
1-ورىن –قۇل-كەرىم ەلەمەس, الماتى ق.
گران-پري– سەرىكبول حاسان, الماتى ق.
بالالار پروزاسى اتالىمى:
1-ورىن – ليليا كالاۋس, الماتى ق.
گران-پري– ايسۇلۋ الماش,استانا ق.
ءار اتالىمنىڭ 1-ورىن يەگەرى ديپلوممەن ماراپاتتالادى جانە 1 000 000 تەڭگە كولەمىندە اقشالاي سىيلىق يەلەندى.
ءار اتالىمنىڭ گران-پري يەگەرى ديپلوممەن ماراپاتتالادى جانە 2 000 000 تەڭگە كولەمىندە اقشالاي سىيلىق الدى.
«2018 جىلى جۇلدە العان 16 دارابوزدىڭ تۋىندىلارى جەكە كىتاپ بولىپ باسىلىپ شىعادى دەپ جوسپارلانىپ وتىر. ال بۇل بايقاۋعا ەل ىشىنەن بولەك, الىس-جاقىن شەتەلدەگى اقىن-جازۋشىلار, دراماتۋرگتەر مەن ادەبيەت سىنشىلارى قىزىعۋشىلىق تانىتقانىن اتاپ وتكەن ابزال. قازاقستاندىق شىعارماشىلىق قاۋىم وكىلدەرىنەن باسقا, بايگەدە ءازىربايجان, بەلارۋس, قىتاي, موڭعوليا, رەسەي, تۇركيا جانە ۋكراينا ەلدەرىنىڭ اۆتورلارى باق سىنادى. سوندىقتان, ەندى, «رۋح» بايقاۋى ءداستۇرلى سيپاتتا وتكىزىلىپ وتىراتىنى ۇيعارىلدى» - دەيدى بايقاۋدىڭ ۇيىمداستىرۋشىسى «ادەبيەت» پورتالىنىڭ جەتەكشىسى باۋىرجان قاراعىز ۇلى.
بايقاۋعا بارلىعى 899 شىعارما تۇسكەن. ونىڭ ىشىندە قازاق تىلىندە 403, ورىس تىلىندە 493 جانە اعىلشىن تىلىندە 3 تۋىندى ساراپتالدى.
جانرلار بويىنشا, ءى «رۋح» حالىقارالىق ادەبي بايقاۋىنىڭ قورجىنىنا قازاق تىلىندە 11 رومان, 17 پوۆەست, 86 اڭگىمە, 26 ەسسە, 28 پوەما, 108 ولەڭدەر توپتاماسى, 27 دراما, 35 ادەبي سىن, بالالارعا ارنالعان 38 پروزالىق جانە 27 پوەزيالىق شىعارما ءتۇستى.
ال ورىس تىلىندە 27 رومان, 26 پوۆەست, 128 اڭگىمە, 31 ەسسە, 18 پوەما, 128 ولەڭدەر توپتاماسى, 29 دراما, 7 ادەبي سىن, 64 بالالار پروزاسى جانە 35 بالالار پوەزياسى ەڭبەكتەرى بايگەگە قوسىلدى. اعىلشىن تىلىندە 2 اڭگىمە جانە 1 ادەبي سىن جولدانعان.
باعاشار تۇرسىنباي ۇلى,
سۋرەتتەردى تۇسىرگەن ەرلان ومار,
«ەگەمەن قازاقستان»
