وڭتۇستىك قازاقستانداعى بىرەگەي جوبالاردىڭ ءبىرى بولىپ تابىلاتىن بۇل ورتالىقتا ءبىر مەزەتتە ەلۋ ادامدى ساۋمالمەن ەمدەۋگە قاۋقارلى. وڭىردەگى ەڭ العاشقى ساۋىقتىرۋ ورتالىعىنىڭ اشىلۋ سالتاناتىنا سونىمەن بىرگە وبلىستىق ءماسليحات حاتشىسى قايرات بالابيەۆ, «نۇر وتان» پارتياسى وقو فيلالى توراعاسىنىڭ ءبىرىنشى ورىنباسارى نۇرماحان جولداسوۆ باستاعان حالىق قالاۋلىلارى قاتىستى.
بۇل ورتالىقتا ەمدەلۋشىلەردىڭ بارلىق دەرتىنە قازاقتىڭ ۇلتتىق سۋسىنى – قىمىز ەم بولماق. مۇندا دەمالۋشىلارعا ەمدىك ءونىمدى ازىرلەۋ ءۇشىن وتىزدان اسا بيە ساۋىلادى. ال, قىمىزبەن ەمدەۋدىڭ ءبىر كۋرسى ون كۇندى قۇراسا, ءاربىر ادام كۇندىگىنە ءبىر ليتر ساۋمال ءىشۋى ءتيىس ەكەن.
ەلىمىزدىڭ تاۋەلسىزدىك مەرەكەسىنە وراي, وڭتۇستىكقازاقستاندىق ەمدەلۋشىلەر ءۇشىن ەسىگىن ايقارا اشقان ورتالىقتىڭ جۇمىسىنا ساتتىلىك تىلەگەن وبلىس اكىمى بارشا تولەبيلىكتەردى ايتۋلى مەرەكەمەن قۇتتىقتادى.
«بۇگىن ءبىز ۇلتتىق سۋسىنمەن ەمدەۋ ورتالىعىنىڭ اشىلۋىنا قاتىسىپ وتىرمىز. بۇل نىساننىڭ ىسكە قوسىلۋىمەن ىشكى ءتۋريزمدى دامىتۋعا, سالاۋاتتى ءومىر سالتىن ناسيحاتتاۋعا جانە حالىقتى تازا تابيعي ونىمدەرمەن قامتاماسىز ەتۋ كوزدەلۋدە. سونىمەن قاتار, جاڭا جۇمىس ورىندارى قۇرىلىپ, شاعىن جانە ورتا بيزنەستىڭ دامۋىنا ءوز سەپتىگىن تيگىزۋدە»,-دەدى اكىم.
جالپى قۇنى 500 ملن تەڭگەنى قۇرايتىن ورتالىق ءبىر كەزەڭدە 50-گە جۋىق ادامدى قابىلداپ, ەمدەۋگە مۇمكىندىگى بار. سونداي-اق, مۇندا 15 ازامات جۇمىس ىستەيدى. ورتالىقتا – ساۋمالمەن ەمدەۋدەن بولەك, مينەرالدى ۆاننالار, جابىق باسسەين, تۇزدى بولمە, فينن مونشاسى, فيتو بار, ماسساج, بيوپترون جارىق تەراپياسى, اتپەن سەرۋەندەۋ قاراستىرىلعان.
بيە ءسۇتىنىڭ شيپالى قاسيەتى ونىڭ كوپتەگەن اۋرۋلاردان الدىن الۋىندا ەكەنىن ايتقان مەكەمەنىڭ قۇرىلتايشىسى جارقىنبەك تولتەباي تابيعاتى تاماشا بۇل مەكەنگە كەلگەن كەز-كەلگەن ادامنىڭ ءوزىن جاقسى سەزىنۋىنە تازا اۋا مەن قايتالانباس تابيعاتى كەپىل بولا الاتىنىن اتاپ ءوتتى. سونىمەن قاتار, ول قوناق ءۇي تەكتەس بۇل جايلاردا بۇكىل وتباسىعا ارناپ دەمالىس ۇيىمداستىرۋعا بولاتىنىن جانە تابيعاتتىڭ ادام ورگانيزمىنە جاعىمدى اسەر ەتۋى ءۇشىن مۇندا بار جاعداي جاسالعانىن جەتكىزدى.
جالپى قىمىز ءوندىرۋ سالاسى اۋداندا قارقىندى دامىپ, سوڭعى 3 جىلدا جىلقى باسى 4500 جەتكەن. بۇل مەملەكەتتىك قولداۋدىڭ ارقاسىندا جەتكەن جەتىستىك. سەبەبى, 2016 جىلى مەملەكەتتىك قولداۋ شارالارى 16 شارۋاشىلىققا كورسەتىلىپ, شارۋالار جالپى 678 توننا قىمىز وندىرگەنى ءۇشىن 26,8 ملن. تەڭگە سۋبسيدياعا قول جەتكىزگەن. ال, بيىل وسى شارۋاشىلىقپەن اينالىساتىندار قاتارى ارتىپ 24 بىرلىكتى قۇراعان. بۇگىندە بۇلارعا 31,5 ملن تەڭگە كولەمىندە مەملەكەتتەن سۋبسيديا بەرىلگەن.
