فوتو: م.شاعىرباەۆ
بۇۇ-نىڭ كورمە زالىندا قازاقستان رەسپۋبليكاسىنىڭ تاۋەلسىزدىك كۇنى مەرەكەسىنە وراي ۇيىمداستىرىلعان “قازاقستان الەم فوتوگرافتارىنىڭ كوزىمەن” اتتى مادەني شاراعا اقش, فرانتسيا, يتاليا, تۇركيا, رەسەي جانە ەلىمىزدىڭ الەمدىك دەڭگەيدەگى فوتوگرافتارىنىڭ 100-دەن استام جۇمىسى قويىلدى.
كورمەنى شەتەلدىك ديپلوماتيالىق, ەلشىلىك وكىلدەرى مەن قالا قوناقتارىن قامتىعان 500 دەن اسا ادام تاماشالادى. ءارى, تاڭداۋلى فوتو كارتينالار ارقىلى ولار قازاقستاندى جاڭا قىرىنان (ۇلتتىق سالت-ءداستۇر, ادەت-عۇرىپ, تابيعات,) تانىپ, ءوز باعالارىن بەردى.
ەستەرىڭىزگە سالار بولساق, قر مادەنيەت جانە سپورت مينيسترلىگىنىڭ قولداۋىمەن “ەكسپو-2017” حالىقارالىق كورمەسى اياسىندا شەتەلدىڭ ەڭ ۇزدىك فوتوگرافتارى استانا قالاسىندا باس قوسقان بولاتىن. ولار ەكسپو-دان بولەك ەلىمىزدىڭ بارلىق ايماقتارىن ارالاپ, كورىكتى ورىندارىن سۋرەتكە تۇسىرگەن ەدى. سونىڭ ناتيجەسىندە ەلوردادا «قازاقستان الەم فوتوگرافتارىنىڭ كوزىمەن» اتتى كىتاپ باسىلىپ شىقتى.
بۇل رەتكى كوركەم كارتينالار كورمەسىنە ەلىمىزدىڭ فوتو ونەرىن əلەمگە تانىتىپ جۇرگەن بەلگىلى فوتوگرافتار اسىلحان ءƏبدىرايىم, ەربولات شادراحوۆ, شۇكىر شاحاي, تۇرار قازانعاپ, جەڭىس ىسقاباي, سəرسەنبەك قىزايبەك, ەرلان ومار, ايبەك احانوۆ, ماكسيم روجين, اقəدىل رىسماحان, التىنبەك قارتاباي, سəبي ماەمەروۆ, ماقسات شاعىرباەۆتاردىڭ تاڭداۋلى تۋىندىلارى كورەرمەن نازارىنا ۇسىنىلدى.
“قازاقستاندى امەريكالىقتار مەن قاتار كۇللى الەمگە فوتواپپاراتتىڭ وبەكتيۆى ارقىلى تانىستىرۋدى ماقسات تۇتتىم” دەيدى حالىقارالىق دəرەجەدەگى فوتوگراف ماقسات شاعىرباەۆ.
نۇرشات توكەن
اقش, نيۋ-يورك
