اتاپ ايتقاندا, جامبىل وبلىسىنىڭ كەي جەرلەرىندە تۇمان, كوكتايعاق, بۇرقاسىن بولجانادى. جەل 15-20 م/س دەيىن كۇشەيەدى, ەكپىنى 23-28 م/س-قا, تۇندە وبلىستىڭ وڭتۇستىك-باتىسىندا 30 م/س-قا دەيىن جەتۋى ىقتيمال.
اقمولا وبلىسىنىڭ كەي جەرلەرىندە تۇمان, كوكتايعاق پەن بۇرقاسىن كۇتىلەدى. ءوڭىردىڭ باسىم بولىگىندە 15-20 م/س جىلدامدىقتا جەل سوعادى, كەي جەرلەردە ەكپىنى 23-28 م/س ارتۋى مۇمكىن.
قىزىلوردا, قوستاناي, سولتۇستىك قازاقستان وبلىستارىنىڭ جەكەلەگەن جەرلەرىندە سونداي-اق تۇمان, كوكتايعاق پەن بۇرقاسىن كۇتىلەدى. جەل 15-20 م/س دەيىن كۇشەيەدى.
وڭتۇستىك قازاقستان وبلىسىندا جەلدىڭ ەكپىنى 23 م/س جەتەدى. الماتى وبلىسىنىڭ كەي جەرلەرىندە تۇمان ءتۇسىپ, كوكتايعاق بولادى, 17-22 م/س جىلدامدىقتا جەل تۇرادى. اقتوبە, پاۆلودار وبلىستارىنىڭ كەي جەرلەرىندە بۇرقاسىن بولادى, 15-20 م/س ەكپىندە جەل كۇتىلەدى.
شىعىس قازاقستان وبلىسىنىڭ جەكەلەگەن اۋماقتارىندا بۇرقاسىنداتىپ, 15-20 م/س جىلدامدىقپەن سوققان جەلدىڭ ەكپىنى كۇندىز 25 م/س جەتۋى ىقتيمال. قاراعاندى وبلىسىنىڭ كەي جەرلەرىندە تۇمان, بۇرقاسىن, 15-20 م/س ەكپىندەگى جەل كۇتىلەدى.
