كەزدەسۋ بارىسىندا بۇۇ باس حاتشىسىنىڭ تاياۋ شىعىستاعى ارنايى وكىلى نيكولاي ملادەنوۆتىڭ بريفينگى تىڭدالدى. قازاقستاننىڭ بۇۇ-نىڭ جانىنداعى تۇراقتى وكىلى قايرات وماروۆ ەلىمىزدىڭ تاياۋ شىعىس داعدارىسىنا قاتىستى ۇستانىمى انىق جانە وزگەرىسسىز ەكەندىگىن جەتكىزدى. قازاقستان تاراپتار اراسىنداعى كەلىسسوزدەردىڭ ەكى جاقتى پىشىمدە العىشارتسىز وتكىزىلۋىن قولدايتىندىعىن ءبىلدىردى.
پالەستيندىك-يزرايلدىك رەتتەۋگە بۇۇ باس اسسامبلەياسى جانە قاۋىپسىزدىك كەڭەسىنىڭ ءتيىستى قارارلارى, سونداي-اق مادريد پريتسيپتەرى, بەيبىتشىلىكتىڭ جول كارتاسى, سونىمەن قاتار 2002 جىلعى اراب بەيبىت باستاماسى نەگىزىندە قولداۋ كورسەتۋ قاجەتتىگى راستالدى. قازاقستان دەلەگاتسياسى «ەكى ەلگە ەكى مەملەكەت» فورمۋلاسىنا بالاما جوق ەكەندىگىن ايتتى. قازاقستان بۇۇ-نىڭ باس حاتشىسى انتونيۋ گۋتەرريشتىڭ - «يەرۋساليم مارتەبەسى پالەستينا-يزرايل رەتتەۋىنىڭ فينالدىق كەزەڭىندە جانە بۇۇ قارارلارىنىڭ نەگىزىندە پالەستينا جانە يزرايل حالىقتارىنىڭ ارماندارى مەن الاڭداۋشىلىقتارىن ەسكەرە وتىرىپ شەشىلۋى ءتيىس» دەگەن ۇستانىمىنا قولداۋ ءبىلدىردى.
قازاقستان پالەستينا حالقىنىڭ 1967 جىلعى شەكارالاردا استاناسى شىعىس يەرۋساليم بولىپ تابىلاتىن پالەستينا مەملەكەتىن قۇرا الۋ قۇقىعىن تولىقتاي قولدادى.
