فورۋم بۇۇ باس اسسامبلەياسى ۇسىنعان حالىقارالىق ەرىكتىلەر كۇنىنە وراي وتكىزىلدى. رەسپۋبليكالىق «Volunteer.KZ» فورۋمىنا ەلىمىزدەن 100 ەرىكتى قاتىسىپتى. رەسەي, بەلارۋس, ورتالىق ازيا ەلدەرىنەن دە وكىلدەر كەلدى. جيىنعا وبلىس اكىمى بولات باقاۋوۆ تا قاتىسىپ, ءسوز سويلەدى. -ەڭ بەلسەندى ەرىكتىلەردىڭ ءبىزدىڭ وڭىردە بەلسەندى جۇمىس جاسايتىنى قۋانتادى,- دەدى ءوز سوزىندە. جەرگىلىكتى ۇيىمداستىرۋشىلاردىڭ ايتۋلارىنشا, 5-7 جەلتوقسان ارالىعىنا جوسپارلانعان شارا ءبىزدىڭ ەلىمىزدىڭ «ەرىكتىلەر قوزعالىسى ءۇشىن» ۇلكەن سەرپىن بولدى. فورۋمنىڭ باستى ماقساتى-رەسپۋبليكامىزدىڭ جانە شەت ەلدەر ەرىكتىلەر ۇيىمدارى وكىلدەرىنىڭ اراسىنداعى ىنتىماقتاستىقتى نىعايتۋ. قازىرگى كەزدەگى وزەكتى ماسەلەلەردى شەشۋ ءۇشىن بىرلەسكەن جۇمىس جاساۋعا باعىتتالعان.
وسى كۇندەرى وبلىس ورتالىعىندا «ەرىكتىلەر ءۇيى» دە اشىلدى.
جاستار باستامالارىن دامىتۋ ورتالىعىنىڭ ديرەكتورى سايات جۇسىپباەۆتىڭ ايتۋىنشا عيماراتتىڭ تاريحى كونە, 1905 جىلى سالىنعان. بوس جاتقان عيماراتقا دەمەۋشىلەر ەسەبىنەن كۇردەلى جوندەۋ جاسالدى. ارحيتەكتۋرالىق كەلبەتىن ساقتالىپ قالىپتى. قازىر «ەرىكتىلەر ۇيىنە» 9 ۇيىم ورنالاستى.
قالالىق مادەنيەت ۇيىندە وتكەن جيىن قورىتىندىسىندا 15 ەرىكتى «جىل ەرىكتىسى» اتاعىن الدى. ەڭ بەلسەندى ەرىكتى ەۆگەنيا حاباروۆا اتالسا, ەڭ بەلسەندى ەرىكتىلەر كلۋبى بولىپ «كلۋب دوبرياكوۆ» دەپ تانىلدى.
جاستار ورتالاعىنىڭ مالىمەتىنشە, بۇل كۇندەرى وڭىردە 5-مىڭداي ەرىكتى بار.
فاريدا بىقاي
«ەگەمەن قازاقستان»
پاۆلودار
