وبلىستىڭ ءار ايماعىنان ىرىكتەلگەن جاستار باس قوسقان جيىننىڭ باسى ءوڭىر باسشىسىنىڭ قۇتتىقتاۋىمەن اشىلدى.
– ەلىمىزدە جاستار ساياساتىنا ماڭىزدى باعىت رەتىندە ەرەكشە كوڭىل بولىنگەن. «جەتكىنشەك بۋىننىڭ تاۋەلسىزدىك يدەالدارىنا ادال بولاتىنىنا, وتانىمىزدىڭ تابىستارىنىڭ ەستافەتاسىن جالعاستىراتىنىنا سەنىمىم مول», دەپ, ەلباسى جاستارعا ۇلكەن سەنىم ارتتى. بۇگىندە ەلىمىزدە جاستاردىڭ تەگىن ءبىلىم الىپ, جان-جاقتى دامۋىنا, شىعارماشىلىقپەن, سپورتپەن, كاسىپكەرلىكپەن اينالىسىپ, حالىقتىڭ يگىلىگىنە ەڭبەك ەتۋىنە بارلىق جاعدايلار جاسالعان. ءوز كەزەگىندە جەتىسۋ جاستارى جۇدىرىقتاي جۇمىلىپ, ەلباسىنىڭ سارابدال ساياساتىن تياناقتى جۇزەگە اسىرۋعا اتسالىسۋى كەرەك. اسىرەسە, مەملەكەت باسشىسى جاريالاعان «رۋحاني جاڭعىرۋ» باعدارلاماسىنىڭ ورىندالۋىندا جاس بۋىننىڭ بەلسەندىلىگى اسا قاجەت. ويتكەنى, بۇل تاريحي قۇجات وسكەلەڭ ۇرپاق ءۇشىن قابىلدانىپ وتىر. جاستاردىڭ الدىندا الار اسۋ, شىعار شىڭ, جەتەر جەڭىستەر وتە كوپ. وعان تەك تالاپ پەن جىگەر, ءبىلىم مەن اقىل الىپ بارادى. ءبىز بۇگىن سول تالپىنىس جولىندا جەمىستى ەڭبەك ەتىپ جۇرگەن بىرقاتار جاستى «كوشباسشى» سىيلىعىمەن ماراپاتتاعالى وتىرمىز. بۇل ازاماتتاردىڭ ەڭبەك جولى, جەتىستىكتەر تاريحى وزگە قاتارلاستارىنا ۇلگى بولارى انىق, – دەدى وبلىس اكىمى اماندىق باتالوۆ.
ارنايى ديپلومدار جانە اقشالاي سىيلىققا يە بولىپ, قاتارىنىڭ الدى اتانعان جاستار اراسىندا ءبىر ىسىمەن كوپتىڭ بارەكەلدىسىنە بولەنىپ, العىسىن العان جاستار مەن ءوز سالاسى بويىنشا جەتىستىككە جەتىپ, وبلىس, رەسپۋبليكا كولەمىندە تانىمال بولىپ ۇلگەرگەندەر بار. 2017 جىلدىڭ ۇزدىگى اتانعان 17 جاس مامان كوپكە ۇلگى بولىپ قانا قويماي, جەتىستىكتەن جەتىستىككە جەتۋ ارقىلى ەلگە ەڭبەك ءسىڭىرىپ, الداعى ۋاقتا ۇلكەن ىستەردىڭ جانىنان تابىلاتىندارىنا سەندىردى.
مەرەكەگە ورايلاستىرىلعان شارا بۇدان بىلاي دا وسى ءداستۇرى بۇزباي وتكىزىلىپ تۇراتىن بولادى.
الماس ءنۇسىپ,
«ەگەمەن قازاقستان»
الماتى وبلىسى
