تۇرعىن ۇيلەردىڭ قۇرىلىسىن جۇرگىزگەن «بارىس-تاسساي» جشس-ءى نىساندى مەرزىمىندە اياقتاپ, پايدالانۋعا بەرىپ وتىر. ورداباسى اۋدانىندا بارلىعى 30 كوممۋنالدىق تۇرعىن ءۇي بار. مۇنداعى ءار ءۇيدىڭ شارشى مەترىنىڭ جالداۋ قۇنى – 50 تەڭگە بولىپ بەلگىلەنگەن.
Cالتاناتتى شارا بارىسىندا وڭتۇستىك قازاقستان وبلىسىنىڭ اكىمى جانسەيىت تۇيمەباەۆ «قولجەتىمدى باسپانا - 2020» باعدارلاماسى اياسىندا وبلىستىق بيۋدجەت ەسەبىنەن سالىنعان تۇرعىن ۇيلەردىڭ كىلتىن جەتىم جانە اتا-اناسىنىڭ قامقورلىعىنسىز قالعان بالالارعا, كەزەكتە تۇرعان الەۋمەتتىك تۇرمىسى تومەن وتباسىلارعا تابىس ەتتى. سونداي-اق, بۇل كۇنى وبلىس اكىمى تورتكۇل اۋىل وكرۋگىندەگى قارسىباي سپاتاەۆ اۋىلىنداعى اۋىز سۋ جۇەسىنىڭ ىسكە قوسىلۋ شاراسىنا قاتىسىپ, اۋىل تۇرعىندارىنىڭ قۋانىشىمەن ءبولىستى.
اۋىلدا 136 وتباسى, ياعني 1600 تۇرعىن تازا اۋىز سۋمەن قامتىلىپ وتىر. بۇل نىساننىڭ قۇرىلىسىن وبلىستىق بيۋدجەت ەسەبىنەن «قۇرىلىس-سەرۆيس- سك» جشس جۇزەگە اسىرىپ, پايدالانۋعا بەردى. جوبا قۇرىلىسىنا 98 ملن. تەڭگەگە جۋىق قارجى جۇمسالعان. جالپى اۋدانداعى 57 ەلدى مەكەننىڭ بۇگىنگى تاڭعا 39-ى قۇبىرلى اۋىز سۋمەن قامتىلعان. ياعني, تۇرعىنداردىڭ 88,7 پايىزى تازا اۋىز سۋعا قول جەتكىزگەن.
عالىمجان ەلشىباي,
«ەگەمەن قازاقستان»
