وسىلايشا بۇگىن شىمكەنتتىك 96 وتباسى باسپانالى بولدى. تۇرعىن ءۇي كەشەننىڭ اشىلۋ سالتاناتىنا قاتىسقان وبلىس اكىمى ج.تۇيمەباەۆ جاڭا قونىس بەرەكەلى جانە ىرىسى مول ۇلكەن ورداعا اينالۋىن تىلەدى.
«بۇگىن «نۇرلى جەر» تۇرعىن ءۇي باعدارلاماسى اياسىندا «شىمكەنت» الەۋمەتتىك كاسىپكەرلىك كورپوراتسياسى» اق-ى ارقىلى قالادا سالىنعان ءبىرىنشى كەزەكتەگى 2 تۇرعىن ءۇي پايدالانۋعا بەرىلىپ وتىر. بۇل ۇيلەردىڭ قۇرىلىسى تۇرعىن ءۇي كومبيناتتارىنىڭ ونىمدەرىن قولدانا وتىرىپ, ىسكە اسىرىلۋى جانە مەملەكەتتىك-جەكەمەنشىك ارىپتەستىك باعىتىنا ۇقساس جۇرگىزىلۋدە»,-دەدى اكىم.
وڭتۇستىك قازاقستان وبلىسىنىڭ تۇرعىندارىن قولجەتىمدى تۇرعىن ۇيمەن قامتاماسىز ەتۋ ماقساتىندا «شىمكەنت» اكك» ۇك اق قۇرىلىسقا 1,2 ملرد. تەڭگە كولەمىندە ينۆەستيتسيا سالعان ەلىمىزدەگى العاشقى الەۋمەتتىك كورپاراتسيا بولىپ وتىر.
قالانىڭ اكىمشىلىك جانە ىسكەرلىك ورتالىعىندا ورنالاسقان تۇرعىن ءۇي كەشەنىندە توعىز قاباتتى 4 تۇرعىن ءۇي بوي كوتەرگەن. مۇنداعى پاتەرلەردىڭ جالپى اۋدانى - 14776,6 شارشى مەتردى قۇرايدى. بۇگىندە 2 بلوك, ياعني 96 پاتەر پايدالانۋعا بەرىلسە, قالعان 2 بلوك كەلەر جىلدىڭ ءبىرىنشى توقسانىنىڭ اياعىنا دەيىن پايدالانۋعا بەرىلەدى. جوبانىڭ جالپى قۇنى – 2,75 ملرد. تەڭگەنى قۇرايدى.
«استانا» تۇرعىن ءۇي كەشەنى ەكىنشى كلاسسقا جاتاتىن ءبىر تۇرعىنعا 25 ش.م. جەكە كەڭىستىكتى ەسەپتەۋ ارقىلى سالىنعان ءساندى اپارتامەنتتەر. مۇندا تۇرۋ جاعدايلارى مەن يننوۆاتسيالىق تەحنولوگيالار ءۇشىن قاجەتتى بارلىق مۇمكىندىكتەرمەن قامتاماسىز ەتىلگەن.
اتالعان تۇرعىن ۇيدەگى ء«وز ءۇيىم» باعدارلاماسى بويىنشا «قازاقستاننىڭ تۇرعىن ءۇي قۇرىلىس جيناق بانكى» اق-نان پاتەرلەردى ساتىپ الۋعا بولادى. باعدارلاما بويىنشا ورتاشا باعاسى ءبىر شارشى مەتر ءۇشىن 180 مىڭ تەڭگەنى قۇرايدى. نەسيەنىڭ جىلدىق پايىزدىق مولشەرلەمەسى 5-تەن 10 پايىزعا دەيىن.
ايتا كەتەيىك, تۇرعىن ءۇي قۇرىلىسىن جۇرگىزگەن «وڭتۇستىك قۇرىلىس سەرۆيس» جشس-گى قۇرىلىس كەزىندە 300-دەن استام ادامدى جۇمىسپەن قامتىعان.
جالپى وڭتۇستىك قازاقستان وبلىسىندا جىل باسىنان بەرى 525,4 مىڭ شارشى مەتر تۇرعىن ءۇي ياعني, 5189 پاتەر پايدالانۋعا بەرىلدى. ال, وبلىسقا بەلگىلەنگەن جوسپار 550,6 مىڭ شارشى مەتر بولسا, جىل قورىتىندىسىمەن جوسپار ارتىعىمەن ورىندالادى.
