جەڭىس مونۋمەنتى - ۇلى وتان سوعىسى جەڭىسىنە ارنالعان مونۋمەنت-وبەليسك, مينسك قالاسى سيمۆولدارىنىڭ ءبىرى. ەسكەرتكىش 1954 جىلى جەڭىس الاڭىنا ورناتىلىپ, بەلارۋس جەرىنىڭ نەمىس وككۋپاتسياسىنان بوساپ شىعۋىنا 10 جىل تولۋىنا وراي اشىلعان. 7 جىلدان كەيىن ەسكەرتكىش الدىنا ماڭگىلىك الاۋ جاعىلعان. جىل سايىن 9 مامىردا جانە بەلارۋس مەملەكەتىنىڭ تاۋەلسىزدىك كۇنىندە ەسكەرتكىشكە گۇل شوقتارى قويىلىپ,ء تۇرلى شارالار وتكىزۋ داستۇرگە اينالعان. سونىمەن قاتار مەملەكەتتىك جانە رەسمي ساپارمەن بەلارۋس رەسپۋبليكاسىنا بارعان لاۋازىمدى تۇلعالاردىڭ دا جەڭىس مونۋمەنتىنە گۇل شوقتارىن قويۋى مىندەتتى شارالاردىڭ بىرىنە اينالعان.
ەستەرىڭىزگە سالا كەتسەك, كەشە ەلباسى نۇرسۇلتان نازارباەۆ رەسمي ساپارمەن بەلارۋس رەسپۋبليكاسىنىڭ استاناسى مينسك قالاسىنا باردى. ساپار اياسىندا مەملەكەت باسشىسى بەلارۋس پرەزيدەنتى الەكساندر لۋكاشەنكومەن كەزدەسىپ, كەڭەيتىلگەن قۇرامدا كەلىسسوز جۇرگىزدى. كەلىسسوزدەردەن كەيىن نۇرسۇلتان نازارباەۆ الەكساندر لۋكاشەنكومەن بۇقارالىق اقپارات قۇرالدارى وكىلدەرىنە بريفينگ وتكىزدى. ەلباسىنىڭ بەلارۋس مەملەكەتىنە رەسمي ساپارى اياسىندا مينسك قالاسىندا قازاقستان-بەلارۋس بيزنەس-فورۋمى ءوتىپ, ارانيى كورمە ۇيىمداستىرىلدى. سونىمەن قاتار ەلباسى بۇگىن قىرعىزستان پرەزيدەنتى سوورونباي جەەەنبەكوۆپەن كەزدەسىپ, شەكاراداعى جاعدايدى تالقىلادى. بۇگىن نۇرسۇلتان نازارباەۆ ۇجىمدىق قاۋىپسىزدىك تۋرالى شارت ۇيىمى ۇجىمدىق قاۋىپسىزدىك كەڭەسىنىڭ مەرەيتويلىق سەسسياسىنا قاتىسادى دەپ كۇتىلۋدە.
گۇلنۇر قۋانىشبەكقىزى,
"ەگەمەن قازاقستان"
مينسك
