ايتۋلى شارانى 10 جەلتوقساندا وتكىزۋ تەكتەن-تەككە بەلگىلەنىپ وتىرعان جوق, ويتكەنى 1997 جىلدىڭ ءدال وسى كۇنى قازاقستان رەسپۋبليكاسىنىڭ پرەزيدەنتى نۇرسۇلتان نازارباەۆتىڭ شەشىمىمەن جاڭا استاناعا رەسمي كوشىرۋ باستالعان بولاتىن. «استانا – ارداعىم» سىيلىعىن تاپسىرۋ 2018 جىلدىڭ 6 شىلدەسىنە دەيىن استانانىڭ مەرەيلى مەرەكەسىنە وراي وتەتىن دۋماندى شارالاردىڭ العاشقىسى بولىپ سانالادى.
«استانا – ارداعىم» مەرەكەلىك سىيلىعىمەن استانانىڭ قالىپتاسۋىنا ۇلەس قوسقان جانە پرەزيدەنتتىڭ ەلىمىزدىڭ باس قالاسىن كوشىرۋ تۋرالى شەشىمىنە بارىنشا قولداۋ كورسەتكەن, ءومىرىنىڭ باسىم بولىگىن الماتى قالاسىندا وتكىزگەن الماتىلىقتار – مەملەكەت جانە قوعام قايراتكەرلەرى ماراپاتتالادى. سىيلىق 20 اتالىم بويىنشا تاڭدالادى. ونىڭ ىشىندە ءبىلىم مەن عىلىم, ساۋلەت پەن قۇرىلىس, دەنساۋلىق ساقتاۋ, سپورت, ونەر, كينەماتوگرافيا, جۋرناليستيكا, ادەبيەت سالالارى بار.
شارانى وتكىزۋ بىرنەشە كەزەڭدەردەن تۇرادى, ياعني ۇسىنىلعان نومينانتتارعا ەلەكتروندى تۇردە داۋىس بەرۋگە دە بولادى. بايقاۋ قورىتىندىسى بويىنشا مارەگە جەتكەن ەڭ تاڭداۋلى 20 جەڭىمپاز لايىقتى سىيلىقتارعا يە بولادى. ىرىكتەۋ كوميسسياسىنىڭ قاتىسۋىمەن ينتەرنەت ارقىلى اشىق داۋىس بەرۋ الداعى جەلتوقسان ايىنىڭ 1-ىنەن باستالادى.
تالعات ءسۇيىنباي,
«ەگەمەن قازاقستان»
الماتى
