فيلارمونيا ارتىستەرى اۋەلى ەلباسىنىڭ باعدارلامالىق ماقالاسىندا ايتىلعان وزەكتى ويلاردى ارقاۋ ەتە وتىرىپ, ماقالاداعى «100 جاڭا ەسىم» جوباسىنا ارنايى توقتالدى. اتالعان جوبا ەلىمىزدىڭ ءار سالاسىندا ەڭبەك ەتىپ جۇرگەن جاستاردىڭ حالىققا كەڭىنەن تانىلۋىنا ىقپال ەتەتىنىن دە ايتىپ ءوتتى. سونىمەن قاتار ولار ەلباسى ماقالاسىنداعى تۋعان جەرگە تۋ تىگۋ, وتكەندى قۇرمەتتەۋ, باياندى بولاشاققا ۇمتىلۋ سياقتى ويلاردى دا قامتىدى. بۇدان كەيىن وبلىستىق فيلارمونيا ديرەكتورىنىڭ ورىنباسارى جاندوس وماروۆ ءسوز الىپ, قايىرىمدىلىق كونتسەرتىنە جينالعان مەكتەپ وقۋشىلارى مەن مۇمكىندىگى شەكتەۋلى جاندارعا العىسىن ءبىلدىردى.
كونتسەرت بارىسىندا گۇلشات ءتىناسىلوۆا, لاۋرا بەكسۇلتانوۆا, ازامات المەرەكوۆ, پەريزات ورىنبەكوۆا, نۇرقۋات ورىنوۆ, نۇرگەلدى جولداسوۆ, بالدات بەيسەقوجا جانە وزگە دە ونەر يەلەرى اننەن شاشۋ شاشىپ, كوپشىلىكتىڭ كوزايىمىنا اينالدى. اۋىل تۇرعىندارى ونەرپازدارعا قوشەمەت كورسەتىپ, ريزاشىلىقتارىن ءبىلدىرىپ جاتتى. شارا سوڭىندا اتالعان مەكتەپ ديرەكتورى ايسارا سەيداليەۆا ءسوز الىپ, ەلباسى ماقالاسىنىڭ ءمانى مەن ماڭىزىنا توقتالىپ, مەكتەپ ۇجىمى جانە اتا-انالار اتىنان قادىرلى قوناقتارعا العىسىن ءبىلدىردى. سونداي-اق وسىنداي قايىرىمدىلىق شاراسىن ءداستۇرلى تۇردە وتكىزىپ تۇرۋعا ۇسىنىس جاساپ, ءاردايىم قولدايتىنىن دا جەتكىزدى.
حاميت ەسامان,
«ەگەمەن قازاقستان»
جامبىل وبلىسى
