مەموراندۋمعا سايكەس تەحنيكالىق كاسىبي ءبىلىم بەرەتىن كوللەدجدەردە, جوعارى وقۋ ورىندارىندا وقيتىن ستۋدەنتتەردىڭ ءتورت توبى اۆتوبۋستار مەن تراۆايلاردا تەگىن جۇرە الادى. ولاردىڭ قاتارىندا اتا-اناسىنىڭ قامقورلىعىنسىز قالعان, از قامتاماسىز ەتىلگەن, كوپ بالالى وتباسىلاردىڭ ۇل-قىزدارى, جەتىمدەر مەن ءى, ءىى توپتاعى مۇگەدەك ستۋدەنتتەر بار. ال قالعاندارى «ستۋدەنتتىك جول ءجۇرۋ بيلەتىن» ساتىپ الۋ ارقىلى قوعامدىق كولىكتە 50 پايىز جەڭىلدىكپەن ءجۇرۋ قۇقىعىن يەلەنەدى.
- ءبىزدىڭ الاتىن ستيپەنديا ءۇشىن بۇل جاقسى جەڭىلدىك. ءتىپتى, قازىر 4-5 مىڭ تەڭگە كوپ اقشا بولماسا دا, بۇل اقشا اسحانادا تاماق ىشۋگە مۇمكىندىك, - دەيدى ستۋدەنتتەر.
بۇل قۇجات 2018 جىلدىڭ 1 قاڭتارىنان باستاپ كۇشىنە ەنەدى. ەندى وبلىس ورتالىعىندا ءبىلىم الىپ جۇرگەن 20 مىڭنان استام ستۋدەنت قوعامدىق كولىكتە جەڭىلدىكپەن جۇرەتىندەرىنە قۋانىشتى. وبلىستىق اكىمدىك ەكىباستۇز, اقسۋ قالالارىندا دا ستۋدەنتتەردىڭ جەڭىلدىكپەن جۇرۋ مۇمكىندىگىن قاراستىرۋدا.
فاريدا بىقاي,
«ەگەمەن قازاقستان»
پاۆلودار
