كەزدەسۋ بارىسىندا تاراپتار قازاقستاننىڭ «شەۆرون» كومپانياسىمەن مۇناي-گاز سالاسىنداعى ىنتىماقتاستىعىن ودان ءارى نىعايتۋ ماسەلەلەرىن تالقىلادى.
مەملەكەت باسشىسى مۇناي-گاز سالاسىنا قاتىستى جوبالاردى بىرلەسە ىسكە اسىرۋدىڭ تيىمدىلىگىن ايتىپ, دجون ۋوتسونعا وسى جۇمىستاردى اتقارۋعا قوسقان ۇلەسى ءۇشىن ريزاشىلىق ءبىلدىردى.
– قازاقستان «شەۆرون» كومپانياسىمەن ەرەكشە قارىم-قاتىناس ورناتتى. ءبىز شيرەك عاسىردان استام ۋاقىتتان بەرى بىرگە جۇمىس جاساپ كەلەمىز. مەن بىرلەسە اتقارعان جۇمىستارىڭىز ءۇشىن سىزگە العىس ايتقىم كەلەدى. ءبىز سىزدەرمەن ءوزارا ءتيىمدى ىنتىماقتاستىق ورناتا بىلدىك, – دەدى قازاقستان پرەزيدەنتى.
دجون ۋوتسون قازاقستان مەن «شەۆرون» كومپانياسىنىڭ ىنتىماقتاستىق ماسەلەلەرىن تالقىلاپ, ونى ءارى قاراي دامىتۋعا قاتىستى پىكىر الماسۋعا مۇمكىندىك تۋعىزعانى ءۇشىن نۇرسۇلتان نازارباەۆقا العىس ايتتى.
كەزدەسۋدە دجون ۋوتسون مەملەكەت باسشىسىنا 2018 جىلدىڭ اقپان ايىنان باستاپ كومپانيانىڭ باس اتقارۋشى ديرەكتورى قىزمەتىن اتقاراتىن مايكل ءۆيرتتى تانىستىردى.
