اتالعان كونكۋرس قر پرەزيدەنتى نۇرسۇلتان نازارباەۆتىڭ «بولاشاققا باعدار: رۋحاني جاڭعىرۋ» ماقالاسىندا كوتەرىلگەن ماسەلەلەردى جۇزەگە اسىرۋعا اتسالىسۋ, قازاق ادەبيەتىن الەمدىك دەڭگەيدە ناسيحاتتاۋ, قازاقستاندىق جانە شەتەلدىك قالامگەرلەر اراسىندا ءوزارا بايلانىس ورناتۋ, ۇلتتىق سانانى جاڭعىرتۋداعى ادەبيەتتىڭ ءرولىن ارتتىرۋ, جاس ۇرپاقتىڭ بويىندا ءتول ادەبيەتىمىزگە دەگەن قىزىعۋشىلىقتى كۇشەيتۋ, اقىن-جازۋشىلاردىڭ قوعامداعى بەدەلىن ارتتىرىپ, ۇلتتىق سانانى جاڭعىرتۋداعى قالامگەرلەردىڭ ءرولىن نىعايتۋدى كوزدەيدى.
كونكۋرستىڭ جۇلدەسى قوماقتى جانە تومەندەگى نوميناتسيالار بويىنشا جاريالانىپ وتىر:
- پروزا جانرى بويىنشا: رومان, پوۆەست – گران-پري - 2 ملن تەڭگە; 1 ورىن – 1 ملن تەڭگە;
- پروزا: اڭگىمە, ەسسە – گران-پري – 2 ملن تەڭگە; 1 ورىن – 1 ملن تەڭگە;
- پوەزيا: پوەما – گران-پري – 2 ملن تەڭگە; 1 ورىن – 1 ملن تەڭگە;
- پوەزيا: توپتاما ولەڭدەر – گران-پري – 2 ملن تەڭگە; 1 ورىن – 1 ملن تەڭگە;
- دراماتۋرگيا – گران-پري – 2 ملن تەڭگە; 1 ورىن – 1 ملن تەڭگە;
- ادەبي سىن – گران-پري – 2 ملن تەڭگە; 1 ورىن – 1 ملن تەڭگە;
- پوەزيا (بالالارعا ارنالعان ولەڭدەر) – گران-پري – 2 ملن تەڭگە; 1 ورىن – 1 ملن تەڭگە;
- پروزا (بالالارعا ارنالعان پروزالىق شىعارمالار) – گران-پري – 2 ملن تەڭگە; 1 ورىن – 1 ملن تەڭگە.
كونكۋرسقا قاتىسۋعا قويىلاتىن تالاپتار مەن قاتىسۋدى رەسىمدەۋ, كونكۋرس ناتيجەسىن قورىتىندىلاۋ تۋرالى شارتتارمەن «ادەبيەت پورتالىنىڭ» «ارنايى جوبالار» ايدارىنان ەگجەي-تەگجەيلى تانىسا الاسىز. كونكۋرسقا ۇمىتكەر شىعارمالاردى قابىلداۋ مەرزىمى 2017 جىلعى 5-جەلتوقسانعا دەيىن. قالامى جۇيرىك, تالعامى بيىك قالامگەرلەر قاۋىمى! رۋحاني جاڭعىرۋعا ۇلەس قوسار سۇبەلى تۋىندىلارىڭىزدى جولداۋعا اسىعىڭىزدار!
adebiportal.kz
