ساتىپ الۋشى اۋكتسيونعا تەلەفون ارقىلى قاتىسقان ءارى اتى-ءجونىنىڭ جاريالانباۋىن قالاعان. ساۋدالاسۋ ءراسىمى 20 مينۋتقا جالعاستى. شەدەۆردى باعالاۋدا بىردەن 100 ملن دوللاردان باستالعان. مۇنداي قىمبات باعا رەتىندە تىركەلگەن تۋىندى پابلو پيكاسسونىڭ «الجيرلىك ايەلدەر» اتتى كارتيناسى ەكى جىل بۇرىن 179 ملن اقش دوللارىنا ساتىلعان بولاتىن.
1519 جىلى دۇنيەدەن وزعان ۇلى سۋرەتشىنىڭ ارتىندا 20-عا جۋىق ەڭبەكتەرى قالعان. 1505 جىلدان كەيىن سالىنعان دەپ سانالاتىن اتالعان تۋىندىسى جەكە كوللەكتسيادا ساقتالعان بىردەن-ءبىر ۇزدىك كارتيناسى. كارتينادا حريستوس ەرتەدەگى گرەكتەردىڭ ۇزىن كويلەگى حيتون جامىلعان, كيىم التىنمەن زەرلەنگەن. زەرتتەۋشىلەر كارتينانىڭ بەلگىلى ءبىر ۋاقىتتاردا انگليا كورولى I كارلدىڭ مەنشىگىندە بولعانىن ايتادى.
كارتينانىڭ ساتىلۋ تاريحى 1958 جىلدان باستالادى. العاش رەت اۋكتسيوندا دا ءۆينچيدىڭ شاكىرتتەرىنىڭ ءبىرىنىڭ كارتيناسى دەپ تانىلىپ, 60 اقش دوللارىنا باعالانعان. تەك 2005 جىلى عانا «جوعالعان لەوناردو» دەپ نارىقتا ۇلكەن قىزىعۋشىلىق تۋدىرعان بولاتىن.
ايا ءومىرتاي,
«ەگەمەن قازاقستان»
