جالپى جينالىستا «ترانسكاسپي حالىقارالىق كولىك باعدارى» حالىقارالىق قاۋىمداستىعى» زتق بىرلەستىك باسقارماسىنىڭ توراعاسى «قازاقستان تەمىرجولى» ۇك» اق باسشىسى قانات الپىسباەۆ ءسوز سويلەدى.
ق. الپىسباەۆ جينالعانداردى باكۋ- تبيليسي-كارس تەمىرجول باعدارىنىڭ اشىلۋىمەن قۇتتىقتادى.
«جاڭا تەمىرجول باعدارىن اشۋ – بۇل تاريحي وقيعا. بىزگە وسى باعداردىڭ ينفراقۇرىلىمىن جاقسارتىپ, ءدالىزدىڭ وتكىزۋ الەۋەتىن كوتەرىپ, قوسىمشا جۇكتەر تارتۋدى بەلسەندى جۇرگىزۋىمىز كەرەك»,-دەيدى «ترانسكاسپي حالىقارالىق كولىك باعدارى» حالىقارالىق قاۋىمداستىعى» زتق بىرلەستىك باسقارماسىنىڭ توراعاسى «قازاقستان تەمىرجولى» ۇك» اق باسشىسى قانات الپىسباەۆ.
ونىڭ ايتۋىنشا, بيىلعى جىلى تحكب اۋماعىندا تاسىمال كولەمىن 725 مىڭ تونناعا جەتكىزۋ جوسپارلانعان بولاتىن. قازىردىڭ وزىندە جۇك تاسىمالى ءبىر ميلليون تونناعا جەتتى. جىل قورىتىندىسى بويىنشا 1,3 ميلليون تونناعا جەتەتىن ءتۇرى بار.
ء«بىز كەلەسى جىلى ترانسكاسپي باعدارىمەن قازاقستاندىق كومىر, حيميالىق, تاۋ-كەن ونىمدەرىن تاسىمالداۋ, كونتەينەرلىك تاسىمالدى دامىتۋدى جوسپارلاپ وتىرمىز. 2018 جىلى تحكب باعدارىمەن 3 ميلليون توننا جۇك تاسىمالداۋ جوسپارىمىزدا بار»,-دەيدى ق. الپىسباەۆ.
كەلەسى جىلى تحكب باعدارىمەن مۇناي, گاز عانا ەمەس, قازاقستاندىق استىقتى ءازىربايجان, گرۋزيا, تۇركياعا شىعارۋدى جوسپارلاپ وتىر.
ونىڭ ايتۋىنشا, بىرنەشە جاقتى كەلىسىلگەن تاسىمالداۋشىلاردىڭ ىنتىماقتى قىزمەتى حالىقارالىق باعدارداعى تاسىمالدىڭ وسى قارقىنمەن جالعاسىن تاباتىن بولادى. سوندىقتان وندا باسەكەگە سايكەس كەلەتىن مولشەرلەمە بەلگىلەگەن ءجون.
«ترانسكاسپي حالىقارالىق كولىك باعدارى (تحكب) حالىقارالىق قاۋىمداستىعىنىڭ» زتب مۇشەلەرىنىڭ جالپى جينالىسىنا ء«ازىربايجان تەمىر جولى» جاق توراعاسى د. گۋربانوۆ, «گرۋزين تەمىر جولى» باسشىسىنىڭ ورىنباسارى ا. نيكولاشۆيلي, «تۇرىك تەمىر جولىنىڭ» جۇك تاسىمالداۋ جونىندەگى باس ديرەكتورى ۆ. كۋرت, اقتاۋ حالىقارالىق تەڭىز ساۋدا پورتىنىڭ باسشىسى ا. تۇرىكپەنباەۆ, ء«ازىربايجان كاسپي تەڭىزى كەمە قوزعالىسى» جاق باسشىسى ر. ۆەليەۆ, باكۋ حالىقارالىق تەڭىز پورتىنىڭ ديرەكتورى ت. زيادوۆ, باتۋمي تەڭىز پورتىنىڭ باس ديرەكتورىنىڭ ورىنباسارى ي. مۇقاتوۆ قاتىستى. جالپى جينالىس وتىرىسىندا قاۋىمداستىقتىڭ 2017 جىلى اتقارعان قىزمەتىنىڭ الدىن الا قورىتىندىسى قارالدى. سونداي-اق, 2018 جىلعى تحكب باعدارىنداعى تاريفتىك مولشەرلەمە بەكىتىلدى.
سونىمەن قاتار باكۋ- تبيليسي – كارس جاڭا تەمىرجول جەلىسىندەگى جۇك تاسىمالىنىڭ تاريفتىك مولشەرلەمەسى قارالىپ, بەكىتىلدى. قاۋىمداستىقتىڭ 2018 جىلعا ارنالعان شارالارىنىڭ جوسپارى مەن بيۋدجەتى بەكىتىلدى.
قاۋىمداستىقتىڭ جالپى جينالىسىنىڭ شەشىمىمەن ونىڭ قۇرامىنا «قۇرىق پورتى» جشس (قازاقستان) كومپانياسى, Lianyungang Port Holdings Group (قحر) قاۋىمداستىرىلعان مۇشەسى بولىپ قابىلداندى.
