قازاقستان فۋتبولىنىڭ بولاشاعى

بۇگىندە قازاقستاندا فۋتبول تانىمالدىلىعى جاعىنان جىل سا­ناپ ارتىپ كەلە جاتقان ويىن ءتۇرى. سونداي-اق كۇن وتكەن سايىن جان­كۇيەرلەر سانى دا ءوسىپ, كەڭ قانات جايۋدا. وسى ورايدا وتان­دىق فۋتبولدىڭ قۇرمەت تاقتا­سى­نان ءوزىن كورگىسى كەلەتىن وقۋشى­لار قاتارى كوبەيىپ كەلەتىندىگىن ايتا كەتۋ ءلازىم. وسىنداي ارمان جەتەگىندە جۇرگەن قازاقستاندىق وقۋشىلارعا «Coca-Cola» كومپا­نيا­سى بىرنەشە جىل قاتارىنان ءوز دەمەۋشىلىگىن كورسەتىپ كەلەدى. استانادا ەلىمىزدە اشىلعان «Coca-Cola بىل­­عارى دوپ» جاستار اراسىنداعى فۋتبول تۋر­نيرىنىڭ 6-شى ماۋسىمىنا وراي ءباسپاسوز كونفەرەنتسياى ءوتتى. ءباسپاسوز ءماسليحاتىنا «Coca-Cola» كومپانياسىنىڭ ورتا ازيا جانە قازاقستان بويىنشا ۇكىمەتپەن بۇقارامەن بايلانىس مەنەدجەرى ارىستانبەك نۇرما­حا­نوۆ جانە قفف بالالار مەن جاسوسپىرىمدەر فۋتبولى دەپارتامەنتى توراعاسىنىڭ ورىنبا­سارى يگور ۋتروبين قاتىستى. ولار جيىنعا قاتىسۋشىلارعا «Coca-Cola بىلعارى دوپتىڭ» الدىڭعى ويىنداردىڭ جەتىستىكتەرى مەن جاس فۋتبولشىلاردى الداعى اشىلعان ماۋسىمدا قانداي قىزىق كۇتىپ تۇرعاندىعىنان ەگجەي-تەگجەيلى حاباردار ەتتى. 2006 جىلدان بەرى وتكىزىلىپ كەلە جاتقان «Coca-Cola بىلعارى دوپ» ءتۋرنيرى ەلىمىزدە فۋتبول بويىنشا ەڭ ءىرى جاسوسپىرىمدەر جارىسى بولىپ تابىلادى. وسى مەرزىم ىشىندە تۋرنير ۇلكەن قۇرىلۋ جولىنان ءوتىپ ۇلگەردى. وتكەن ويىن ماۋسىمىندا وعان قازاقستاننىڭ تۇكپىر-تۇكپىرىندەگى 5 مىڭ مەكتەپتەن 350 مىڭ وقۋشى قاتىستى. بۇل ءتۋرنيردىڭ كەڭ قانات جايىپ, وعان قاتىسۋشىلار سانىنىڭ ارتىپ كەلە جاتقاندىعىن ايعاقتايدى. وتكىزىلىپ جۇرگەن ءتۋرنيردىڭ جوعارى ءدا­رە­جەدە ۇيىمداستىرىلۋ ساپاسى العاشقى جى­لى-اق حالىقارالىق ساراپشىلار تاراپىنان جوعارى باعالاندى. «Coca-Cola بىلعارى دوپ­تىڭ» ەرەكشە ماقتانىشى ۋەفا فۋتبول اسسو­تسياتسيالارىنىڭ ەۋروپالىق وداعى بەرگەن ناگ­راداسى – ۋەفا پرەزيدەنتىنىڭ ءوزى قول قويعان «بالالار مەن جاسوسپىرىمدەر فۋتبولىن دامى­تۋ بويىنشا الەمدەگى ەڭ قۇندى شارا-2006» ديپلومى. وسىنداي ەڭ جوعارعى دەڭگەيگە كو­تە­رىلگەن ءاۋ باستاعى مەجەدەن تۇسپەس ءۇشىن ۇيىمداستىرۋشىلار ءالى كۇنگە دەيىن تۋرنير ساپاسىن تومەندەتپەي ۇستاپ كەلە جاتىر. ۇيىمداستىرۋدىڭ جوعارى شەبەرلىگىنىڭ ەرەكشە دالەلى – تۋرنيرگە قاتىسقان بۇرىنعى فۋت­بول­شىلاردىڭ قازىرگى جەتىستىكتەرى بولىپ تا­بىلادى. بۇگىندە وتاندىق فۋتبولدى دامى­تۋ­دىڭ پرەزيدەنتتىك باعدارلاماسى اياسىندا اتاقتى OLE Brazil برازيليالىق مەكتەبىندە 26 قازاقستاندىق بوزبالا وقىپ جاتىر. ونىڭ 14-ءى قازاقستاندىق الاڭداردا وسى تۋرنير ويىندارى اياسىندا جەتكەن جەتىستىكتەرى ارقى­لى بەدەلدى برازيليا مەكتەبىندە وقۋ قۇقى مارتەبەسىن جەڭىپ العان «Coca-Cola بىلعارى دوپ» ءتۋرنيرىنىڭ ءار جىلدارداعى كەلەشەگى زور قاتىسۋشىلارى بولىپ تابىلادى. تۋرنيردەن «تۇلەپ شىققانداردىڭ» جەتىستىكتەرىنە وتاندىق فۋتبولدىڭ جاڭا ءوسىپ كەلە جاتقان جۇلدىزى سەرگەي حيجنيچەنكونى ەرەكشە اتاپ وتۋگە بولادى. 2006 جىلى مۇرتى ەندى عانا تەبىندەگەن جاپ-جاس سەرەجا «Coca-Cola بىلعارى دوپتىڭ» جوعارى جاس كات­ە­گورياسى بويىنشا ۇزدىك فورۆاردى اتانعان بولاتىن. ال بۇگىن سەرگەي – قازاقستاننىڭ ۇلتتىق قۇراما­سىنىڭ ەڭ ۇزدىك ويىن­­شى­لا­رىنىڭ ءبىرى, قاراعاندىلىق «شاحتەر» شابۋ­ىل­شىلارىنىڭ كوشباسشىسى, قازاقستان پرەمەر ليگاسىنىڭ ەكىنشى ۇزدىگى بولىپ تابىلادى. – «حيجنيچەنكونىڭ فۋتبول جەتىستىكتە­رى­نىڭ شىڭىنا شىعۋ جولى «Coca-Cola بىلعارى دوپقا» قاتىسۋدان باستالدى», دەيدى بۇل ءجو­نىن­دە «Coca-Cola» كومپانياسىنىڭ ورتا ازيا جانە قازاقستان بويىنشا ۇكىمەتپەن جانە بۇقارامەن بايلانىس مەنەدجەرى ارىس­تان­بەك نۇرماحانوۆ. ونىڭ جەتىستىگى – تۋرنير ماقساتىنىڭ, ياعني ءبىزدىڭ كومپانيانىڭ العا قويىپ وتىرعان مەجەسىنىڭ كورىنىسى بولىپ تابىلادى. ءبىزدىڭ وتانداستارىمىزدىڭ, ونىڭ ىشىندە ءبىز وتكىزگەن تۋرنيرگە قاتىسقان جاس فۋتبولشىلاردىڭ برازيلياداعى فۋتبول ماي­تال­ماندارىنان ءدارىس الۋى, سونداي-اق ۇلتتىق قۇرامانىڭ ماقتانىشى بولۋى ءتۋرنيردىڭ قاجەتتىلىگىن, ونى ودان ءارى دامىتىپ اكەتۋدىڭ كەرەكتىگىنە سەنىم بەرىپ, جىگەرلەندىرە تۇسەدى. جاستاردى جان-جاقتى دامىتۋدا اتقارىپ جاتقان جۇمىستارىمىزدىڭ دۇرىستىعىنا تا­عى ءبىر مارتە كوز جەتكىزەدى». ال جاس سپورتشىلاردى تۋرنير ۇيىمداس­تى­رۋشىلارى تاراپىنان بيىل قانداي جاڭا­لىقتار كۇتىپ تۇر؟ وسى سۇراققا جاۋاپ بەرگەن ءماسليحاتشىلار بالالاردى كوپتەگەن قىزىق­تى وزگەرىستەر كۇتىپ تۇرعانىن مالىمدەدى. الدىمەن, 2011-2012 جىلدار ماۋسىمى «Co­ca-Cola بىلعارى دوپتىڭ» دامۋىنداعى جاڭا اينالىم بولماق. قازاقستان تاۋەلسىز­دىگىنىڭ 20 جىلدىعىنا وراي, ەل سپورتىنىڭ حالىقارالىق ارەنالارداعى جەتىستىكتەرى مەن اتاق-داڭقىنىڭ ءوسۋىن ەسەپكە الا وتىرىپ, ءتۋرنيردى «كۇز-كوكتەم» ەۋروپالىق ستاندارتىنا سايكەس وتكىزۋ جوسپارلانىپ وتىر. ءتۋرنيردىڭ العاشقى توپ­تىق بولىمىندە توپتىق جارىستار وتكىزىلىپ, ىرىكتەۋ تۋرىنىڭ جەڭىمپازدارى كەلەسى جىلدىڭ كوك­تەمىندە پلەي-وفف كەزەڭىندە ءبىر-بىرىمەن كەزدەسەدى. ۇيىمداستىرۋشىلار مامىر ايىندا بارلىق جاس كاتەگوريالارى بويىنشا كىشى (2000-2001 جىلى تۋىلعاندار), ورتاشا (1998-1999 جىلى تۋىلعاندار) جانە جوعارى (1996-1997 جىلى تۋىلعاندار) توپتار اراسىندا في­نال­دىق كەزدەسۋلەردى وتكىزۋدى جوسپارلاپ وتىر. بۇدان وزگە 2010 جىلعى ويىن ماۋسى­مىنداعىداي, تۋرنير دەمەۋشىسى «Coca-Cola» كومپانياسى بيىل دا فينالدىق كەزەڭگە قا­تى­سۋشى بارلىق كاتەگوريالارداعى ويىن­شىلار­دىڭ تاماعى مەن جاتىن ورىن شىعىندارىن وزدەرى كوتەرمەك. وسىلايشا, تۋرنير ۇيىم­داستىرۋشىلارى بالالاردىڭ وزدەرىن جايلى سەزىنۋىنە جاعداي جاساماق. قورىتىندىسىندا ايتارىمىز, قول جەتكىزىلەتىن جەڭىمپاز داڭقى مەن ابىروي-بەدەلدەن وزگە جوعارعى جاس كاتەگورياسىندا چەمپيون اتاناتىن كومانداعا قوسىمشا سىي ازىرلەنۋدە. ول 2012 جىلى تامىز ايىندا ەۋروپانىڭ ەڭ اتاقتى فۋتبول الاڭدارىنىڭ ءبىرىن ءوز كوزدەرىمەن كورىپ قايتۋ مۇمكىندىگى بولماق. وعان الەمدەگى 30-دان استام ەلدەن كوماندالار قاتىساتىن «سورا Coca-Cola» بالالار مەن جاسوسپىرىمدەر اراسىنداعى حالىقارالىق فۋتبول ءتۋرنيرى سەبەپ بولىپ وتىر. ويتكەنى بيىلعى جىلدان باستاپ بۇكىلقازاقستاندىق «Coca-Cola بىلعارى دوپ» فۋتبول ءتۋرنيرى ونىڭ ءبىر بولىگىنە اينالدى. ۆەنەرا تۇگەلباي.