بۇگىندە وبلىس اۋماعىنداعى جىلىجايلاردىڭ جالپى كولەمى 900 گەكتارعا جەتتى. مۇنى شوتقا قاقساڭىز, قازاقستان بويىنشا 80 پايىزدان استام جىلىجايدىڭ كۇن شۇعىلالى وڭتۇستىككە تيەسىلى ەكەندىگىن اڭعارتادى.
ورداباسى اۋدانى بادام اۋىلىنا جاقىن ورنالاسقان «ادەليا» جىلىجايى ەلىمىزدەگى ەڭ ءىرى كەشەن بولىپ سانالادى. 16 گەكتار جەرگە قىزاناق پەن قيار ەككەن «ادەليا» جىلىجايىنان جىلىنا ەكى رەت ءونىم جينالادى. مۇنداعى ءونىم گەكتارىنا 300-350 تسەنتنەردەن اينالادى.
– قىزاناق تەرۋ ماۋسىمىندا 180 ادامعا دەيىن جۇمىسقا قابىلدايمىز. جۇمىسشىلاردىڭ ورتاشا جالاقىسى – 80 مىڭ تەڭگە. ال ءونىمنىڭ 90,95 پايىزىن رەسەيدىڭ تەرىسكەيىندەگى ءنوۆوسىبىر, كراسنويارسك, بارناۋىل سەكىلدى وبلىستارىنا ەكسپورتقا شىعارامىز. ال بىزدە سۇرانىس ازداۋ. سونىمەن قاتار استانا مەن الماتى قالالارىنا دا سۇرانىسقا قاراي قىزاناق, قيار جەتكىزىپ وتىرامىز. مۇنداعى تەحنولوگيا بويىنشا گەربيتسيدتەر مەن اممياكتى سەليترا قوسىلمايدى. زياندى نيتراتتار كولەمى بەلگىلەنگەن شەكتەن 15 ەسە تومەن. دەگەنمەن جىلىجاي كولەمىن ارتتىرۋعا ازىرگە نيەت جوق. وعان باستى سەبەپ قۋات كوزدەرىنىڭ قىمباتتىعى, – دەيدى «ادەليا» جىلىجاي كەشەنىنىڭ ديرەكتورى باقتيار اسىلبەك.
بۇل كەشەن يندۋستريالاندىرۋ كارتاسى اياسىندا تۇرعىزىلعان. اۋەلدە 5 گەكتار جەرگە ورنالاسقان جىلىجاي جوباسىنىڭ العاشقى كەزەڭىنىڭ ينۆەستيتسيالىق قۇنى 2 673,8 ملن تەڭگەگە جەتكەن. ەكىنشى كەزەڭنىڭ قۇنى – 2 ملرد 574 ملن تەڭگە. جىلىجاي شارۋاشىلىعىنىڭ ءونىمى ەكولوگيالىق تازا. كوكونىس وسىرۋدە قولدانىلاتىن تەحنولوگيا سۋارمالى سۋدى, تىڭايتقىشتى جانە باسقا دا رەسۋرستى ۇنەمدەۋگە مۇمكىندىك بەرەدى. قازىر جىلىجاي 16 گەكتار جەردى الىپ جاتىر. 2016 جىلى 2 814003 كيلو ءونىم جينالسا, 2017 جىلدىڭ جارتى جىلىندا 2 934 669 كيلو ءونىم جينالدى.
يندۋستريالاندىرۋ كارتاسىنىڭ اياسىندا «ادەليانى» «قازاگروقارجى» اكتسيونەرلىك قوعامى قارجىلاندىرىپ وتىر. جەڭىلدەتىلگەن نەسيەنىڭ ارقاسىندا اياعىنان تىك تۇرعان سەرىكتەستىك ديقان قاۋىمىنا جاقسى ۇلگى بولۋدا. ابىز اباي ايتقانداي, مۇنداعى جۇمىسشىلار «ەڭبەك ەتسەڭ ەرىنبەي, تويادى قارنىڭ تىلەنبەي» ناقىلىنىڭ جايىن جاقسى بىلەدى.
جارتى جىلدا ءتورت مىڭ توننا ءونىم جيناعان جىلىجاي باسشىلىعى وسىندا ەڭبەك ەتىپ جاتقان قاۋىمنىڭ جالاقىسىن بەرىپ قانا قويماي, الەۋمەتتىك جاعدايلارىنىڭ وڭالۋىنا دا جاردەمدەسەدى.
باقتيار تايجان,
«ەگەمەن قازاقستان»
وڭتۇستىك قازاقستان وبلىسى
