- ەلباسى نۇرسۇلتان نازارباەۆتىڭ «بولاشاققا باعدار: رۋحاني جاڭعىرۋ» باعدارلامالىق ماقالاسى اياسىندا حالقىمىزدىڭ رۋحاني ومىرىندە ۇلانعايىر جۇمىستار اتقارىلىپ جاتىر, - دەدى فەستيۆالدىڭ اشىلۋ سالتاناتىنا قاتىسقان وبلىس اكىمى نۇرلان نوعاەۆ. -الاش ارداگەرلەرىنىڭ كىم ەكەندىگىن ءاليحان بوكەيحانوۆ, احمەت بايتۇرسىنوۆ, ماعجان جۇماباەۆ, وسى وڭىردەن شىققان حالەل, جانشا دوسمۇحامەدوۆتەر تۋرالى وقىپ, ەڭبەكتەرىمەن تانىسقان ادام بىلەتىنى كامىل. ولار جايلى اقيقات مۇقاعالي ايتقانداي, ءالى كۇنگە ارحيۆتەردە شاڭ باسىپ جاتىر. سونى انىقتاۋ, زەرتتەۋ — جاس ۇرپاقتىڭ پارىزى. ولار اتا-بابا قۇندىلىقتارىن يگەرۋ ءۇشىن جاعداي تۋعىزۋىمىز كەرەك. ماسەلەن, بۇگىنگى ونەر فەستيۆالىنىڭ دە باستى ماقساتى — وسى. ۇرپاق ساباقتاستىعى وسىدان باستالسا كەرەك. ءداستۇرلى ونەرىمىزدى ءوزىمىز ءبىلىپ, ءتۇيسىنىپ, قۇرمەتتەپ قانا قويماي, ونى ناسيحاتتاپ وتىرعانىمىز دا ءجون. بۇگىنگى فەستيۆال قاتىسۋشىلارى — الاش ارىستارىنىڭ رۋحىن ءتىرىلتىپ, جاس ۇرپاق ساناسىنا قۇيۋدا ۇلكەن جۇمىستار جاساپ جۇرگەن ونەر قايراتكەرلەرى.
ونەر مەرەكەسىن قازاقستان رەسپۋبليكاسىنىڭ ەڭبەك سىڭىرگەن قىزمەتكەرى, جىرشى-تەرمەشى قاتيموللا بەردىعاليەۆ حالىق ءانى «باياناۋىلمەن» باستادى. ايگۇل ەلشىباەۆا, جانعالي جۇزباەۆ, قاپاش ق ۇلىشەۆا, جانۇزاق يساباەۆ, ەلەمەس ماعازوۆ, ۇلجان بايبوسىنوۆا, ەركىن شۇكىمانوۆ, گۇلمايدان سۇندەتوۆا, امانقوس سادىقوۆ, ەربول ايتباەۆ, اسحات ورازوۆ, كلارا تولەنباەۆا, جانارگۇل ساركەنوۆا, نۇرجان جانپەيىسوۆ, رىستى سۇلەيمەنوۆا, قونىس يۋسۋپوۆ, گۇلميرا سارينا, باتىرجان مىقتىباەۆ, اقمارال نوعايباەۆا, ەركىن اۋباكىروۆ, ايگۇل قوسانوۆا, جاكەن وماروۆ, ارمات يسلامعاليەۆ, ءازىرباي وسكىنباەۆ, قايرات كاكىموۆ سىندى دۇلدۇلدەر اتىراۋ اسپانىن ءان مەن كۇيگە بولەدى.
كونتسەرتتىك باعدارلامانى جىرشى, فولكلورتانۋشى بەرىك ءجۇسىپ الاش ارىستارى جايلى تاعىلىمدى اڭگىمەمەن ءوربىتىپ وتىردى.
باقىتگۇل باباش,
«ەگەمەن قازاقستان».
اتىراۋ.
