ونىڭ باس ديرەكتورى ولگا باحارەۆانىڭ ايتۋىنشا قامقورشى ۇيىمنىڭ نەگىزگى ماقساتى وسى ساناتتاعى ادامداردى سپورتتىق ءىس-شارالارعا تارتا وتىرىپ بەلسەندى اينالىسۋعا, ساۋىقتىرۋعا, دەنى ساۋ, كۇش-قۋاتى كەمەل تۇرعىلىستارىنان كەم سەزىنبەۋگە ۇمتىلدىرۋ, الەۋمەتتىك جانە رۋحاني دەم بەرۋ بولىپ تابىلادى. بيىل بىرلەستىكتىكتىڭ قۇرىلعانىنا شيرەك عاسىر تولىپ وتىر. وسى ۋاقىت بەدەرىندە كەمباعال جاندار كوپتەگەن ىرى بايراقتى جارىستارعا قاتىسىپ, 250 التىن, 147 كۇمىس, 150 قولا مەدال جەڭىپ العان. دۇنيەجۇزىلىك ارنايى وليمپيادا ويىندارىندا جەتكەن جەتىستىكتەر دە از ەمەس. وكىنىشكە قاراي قازاقستاندا وي-ساناسى تەجەلىپ, ءتۇرلى دەرتكە شالدىققان 150 مىڭعا جۋىق بالا بولسا, 18 مىڭى عانا سپورتپەن جۇيەلى تۇردە شۇعىلداناتىن كورىنەدى.
ءتۋرنيردىڭ اشىلۋ سالتاناتىندا سويلەگەن سوزىندە وبلىس اكىمىنىڭ ورىنباسارى ماديار قوجاحمەت تاعدىردىڭ اۋىر تاۋقىمەتىنە مويىنۇسىنباعان, وعان قارسى قايسارلىقپەن كۇرەسە بىلگەن جانداردى جۇمىسقا ورنالاستىرۋ, جەڭىلدىكتى باعدارلامالارعا قاتىستىرۋ, تاعى باسقا جاعدايلار تۋدىرىلعانىن ايتا كەلىپ, ولاردىڭ ەڭبەكپەن قاتار سپورت, ونەر سالالارىندا بەلسەندى قيمىل تانىتىپ جۇرگەندەرىن اتاپ كورسەتتى.
سولتۇستىك قازاقستان كاسىبي-پەداگوگيكالىق كوللەدجدىنىڭ ستۋدەنتتەرى دميتري مەن ەۆگەني سابيرحۋزيندەر بىلتىر اۆستريادا وتكەن شاڭعى جارىسىندا قولا مەدال يەلەنگەن. اقش-تا ۇيىمداستىرىلعان دۇنيەجۇزىلىك جازعى «سپەشيال وليمپيكس» تۋرنيرىندە بەس سولتۇستىكقازاقستاندىق كۇمىس جۇلدەگەر اتانعان.
داۋن ناۋقاسىمەن اۋىراتىندار جانە پسيحولوگيالىق اۋىتقۋلارى بار سپورتشىلار ەكى توپقا ءبولىنىپ ارى جاس ەرەكشەلىكتەرىنە قاراي قىسقا قاشىقتىقتارعا جۇگىردى. ۇزىندىققا سەكىرىپ, دوپ لاقتىردى. ەستافەتالىق سايىستى قىزدىردى.
جالپى كوماندالىق ەسەپتە سولتۇستىك قازاقستان وبلىسى جەڭىستىڭ ەڭ بيىك تۇعىرىنا كوتەرىلدى. ەكىنشى, ء ۇشىنشى ورىنداردى جامبىلدىقتار مەن پاۆلودارلىقتار ەنشىلەدى. جەڭىمپازدار مەن جۇلدەگەرلەر ءتۇرلى ماراپاتتارعا يە بولدى.
ءومىر ەسقالي,
«ەگەمەن قازاقستان».
سولتۇستىك قازاقستان وبلىسى
