ماڭىزدى شارانىڭ اشىلۋىنا قر مەملەكەتتىك حاتشىسى گۇلشارا Əبدىحالىقوۆا قاتىستى.
«ەلىمىزدە əلەۋمەتتىك سەرىكتەستىكتىڭ نەگىزى قالىپتاسقان. مەملەكەت ۇشجاقتى ىنتىماقتاستىقتى دامىتۋ جۇمىستارىن جەتىلدىرىپ وتىرادى. بىرلەسكەن قىزمەت جاڭا يدەيالار مەن تەحنولوگيالاردىڭ قالىپتاسۋىنا ىقپال ەتەدى, حالىقتىڭ ءومىر ءسۇرۋ ساپاسىن جاقسارتۋعا سەرپىن بەرەدى», دەدى گۇلشارا Əبدىقالىقوۆا.
فورۋم اياسىندا اتىراۋ وبلىسىنىڭ əكىمى نۇرلان نوعاەۆ ءسوز سويلەپ, ايماقتا ۇەۇ-بيزنەس-مەملەكەت قاتىسۋىمەن əلەۋمەتتىك جوبالار تابىستى جۇزەگە اسىپ جاتقانىن ايتتى. مىسالى, "زاڭعار" جاستار جوباسى - وقۋشىلار مەن ستۋدەنتتەردىڭ الدىڭعى قاتارلى تەحنولوگيالاردى مەڭگەرۋىنە باعىتتالعان. جوبانى "شەۆرون" كومپانياسىنىڭ قولداۋىمەن «International Youth Foundation» حالىقارالىق جاستار ۇيىمى مەن "ينفوتسەنتر" جەرگىلىكتى قوعامدىق بىرلەستىك جۇزەگە اسىرىپ وتىر.
«جوبامەن 5 مىڭ ادام, جۇزدەن استام وقۋ ورىندارى قامتىلىپ وتىر. حالىقارالىق دəرەجەدەگى جۇزدەن استام ترەنەر دايىندالدى», دەدى وبلىس əكىمى.
كəسىپكەرلىكتى دامىتۋ سالاسىندا "جارقىرا" باعدارلاماسى تيىمدىلىگىن كورسەتتى, ونىڭ اياسىندا ەكى جىل ىشىندە 12 بيزنەس جوباعا قارجىلاي قولداۋ كورسەتىلدى. "جارقىرا" جوباسىن "ورتالىق ازيا ەۆرازيا" قورى "تەڭىزشەۆرويل" كومپانياسىنىڭ قولداۋىمەن جۇزەگە اسىرۋدا.
وبلىس əكىمى اتىراۋلىق كəسىپكەرلەر əلەۋمەتتىك نىساندار قۇرىلىسىنا - بالالار ورتالىقتارى, بالا باقشالار, ساياباق, مəدەنيەت, سپورت نىساندارىنا قارجى سالۋدا بەلسەندى ەكەندەرىن اتاپ ءوتتى.
مەملەكەت باسشىسىنىڭ "بولاشاققا باعدار:رۋحاني جاڭعىرۋ" باعدارلامالىق ماقالاسىنىڭ "تۋعان جەر" باعىتى بويىنشا جالپى قۇنى ءبىر ميلليارد تەڭگە بولاتىن 11 جوبا جۇزەگە اسىپ جاتىر. ونى جەرگىلىكتى كəسىپكەرلەر قارجىلاندىرعان.
سونداي-اق, فورۋم اياسىندا بيزنەس-قۇرىلىمدار مەن ۇەۇ-لار اراسىندا بىرلەسكەن əلەۋمەتتىك جوبالاردى ىسكە اسىرۋ ءۇشىن 10 مەموراندۋمعا قول قويىلادى. كەلىسىمدەر مەن مەموراندۋمدار ۇەۇ جۇمىسىنا بايلانىستى بارلىق توسقاۋىلداردىڭ الدىن الادى دەگەن بولجام بار.
"ASAR" ۇشجاقتى سەرىكتەستىك فورۋمى "رۋحاني جاڭعىرۋ" باعدارلاماسىنىڭ قۇرامداس بولىگى بولا وتىرىپ, جىل سايىن ۇەۇ, بيزنەس پەن مەملەكەت اراسىنداعى ديالوگ الاڭىنا اينالاتىن بولادى.
فورۋم ۇيىمداستىرۋشىلارى - قر ءدىن ىستەرى جəنە ازاماتتىق قوعام مينيسترلىگى, "اتامەكەن" ۇلتتىق كəسىپكەرلەر پالاتاسى, اتىراۋ وبلىسىنىڭ əكىمدىگى. «Chevron», «Tengizchevroil», «Raimbek Group» كومپانيالارى, قازاقستان جاستارى كونگرەسى, "جاستار تاڭداۋى-اتىراۋ" قۇ, "ازاماتتىق باستامالاردى قولداۋ ورتالىعى" كوممەرتسيالىق ەمەس ۇيىمى فورۋم سەرىكتەستەرى قاتارىندا.
