«قازاقستان ورىس ءتىلى كونستيتۋتسياعا سايكەس رەسمي مارتەبەسى بار مەملەكەتتەردىڭ ءبىرى. رەسەي ەگەمەن قازاقستاننىڭ الداعى ۋاقىتتا مەملەكەتتىك ءتىلدى لاتىنعا كوشىرۋ تۋرالى شەشىمىن تۇسىنىستىكپەن جانە قۇرمەتپەن قارايدى», دەدى رەسەي ەلشىسى.
وسى رەتتە ەلشى «قر پرەزيدەنتى نۇرسۇلتان نازارباەۆتىڭ جانە باسقا دا ەلدىڭ رەسمي تۇلعالارىنىڭ نىق مالىمدەۋىنشە, قازاقستاندا ورىس ءتىلىنىڭ پوزيتسياسى ساقتالىپ وتىرعانىن» باسا ايتتى. بۇعان قوسا, قازاقستاننىڭ ورتا مەكتەپتەرىندە ورىس ءتىلىن وقىتۋ جالعاسۋ ۇستىندە ەكەندىگىن اتاپ ءوتتى.
«رەسپۋبليكا باسشىلىعى ورىس ءتىلىن ەل ازاماتتارىنىڭ ەركىن مەڭگەرۋىن قازاقستاننىڭ ماڭىزدى مادەني باسىمدىعى رەتىندە قاراستىرادى. قازىردىڭ وزىندە قازاقستاننىڭ رەسمي يستانتسياسىنان ورىس ءتىلى مۇعالىمدەرىنىڭ جوعارى دەڭگەيدە قاجەت ەتىلەتىندىگى, ولاردىڭ سانىن ارتتىرۋعا قىزىعۋشىلىق بار ەكەندىگى, سونىمەن قاتار رەسەيلىك جوعارى وقۋ ورىندارىنىڭ جاڭا فيليالدارىنىڭ اشىلاتىندىعى تۋرالى اقپاراتىمىز بار. رەسەي تارابى بۇل باعىتتا ءوزىنىڭ كومەگىن بەرۋگە دايىن», دەدى بوچارنيكوۆ.
