ويتكەنى شاعىن جانە ورتا بيزنەستى دامىتۋ – ەكونوميكالىق ورلەۋدىڭ جانە الەۋمەتتىك ساياسي جاڭعىرتۋدىڭ باستى قۇرالى ەكەنى بەلگىلى. ەلباسىمىز ءوزىنىڭ قازاقستان حالقىنا ارناعان «قازاقستاندىق جول-2050: ءبىر ماقسات, ءبىر مۇددە, ءبىر بولاشاق» اتتى جولداۋىندا شاعىن جانە ورتا بيزنەستىڭ دامۋىن – ەلىمىزدىڭ ەكونوميكالىق ساياساتىنىڭ باسىم باعىتتارىنىڭ بىرىنە جاتقىزعان.
قازاقستان رەسپۋبليكاسىندا شاعىن جانە ورتا كاسىپكەرلىكتىڭ ءىجو-دەگى ۇلەسى 20,2%, ال دامىعان مەملەكەتتەردەگى شاعىن جانە ورتا بيزنەستىڭ ء ىجو-دەگى ۇلەسى 50%-دان 70% شاماسىندا. سالىستىرمالى تۇردە قازاقستان شاعىن جانە ورتا كاسىپكەرلىكتىڭ ماكروەكونوميكالىق كورسەتكىشتەردە ۇلەسىنىڭ وتە از ەكەنىن كورسەتەدى. ونى 50 پايىزعا جەتكىزۋ ۇستىمىزدەگى عاسىردىڭ ەلۋىنشى جىلدارىندا قول جەتكىزىلەدى دەپ بولجانىپ وتىرعانى بەلگىلى.
ستاتيستيكالىق مالىمەتتەرگە سۇيەنەتىن بولساق, شاعىن جانە ورتا كاسىپكەرلىكتىڭ باسىم بولىگى وڭتۇستىك قازاقستان وبلىسىندا شوعىرلانعان مىسالى, 2017 جىلدىڭ 1 قىركۇيەكتەگى جاعداي بويىنشا 176,6 مىڭ شاعىن جانە ورتا كاسىپكەر جۇمىس ىستەپ تۇر.
وڭتۇستىك قازاقستان وبلىسىنداعى شاعىن جانە ورتا بيزنەستىڭ جاقسى دامۋىنا كوپتەگەن فاكتورلار اسەرىن تيگىزۋدە, سونىڭ ىشىندە «بيزنەستىڭ جول كارتاسى-2020» باعدارلاماسىنىڭ ماڭىزدىلىعى جوعارى. وسى باعدارلامانىڭ اياسىندا وڭتۇستىك قازاقستان وبلىسى بويىنشا جالپى سانى 811 جوبانى سۋبسيديالاۋعا 12,3 ملرد تەڭگە قاراستىرىلعان, سونىمەن قاتار 2017-2019 جىلدار بيۋدجەتىندە ءار جىلعا 3 ملرد تەڭگەدەن بارلىعى 9 ملرد تەڭگە كولەمىندە جالپى سيپاتتاعى ترانسفەرتتەر بەلگىلەنگەن.
بيىل ءبىرىنشى جارتىجىلدىق تا بولىنگەن 3 ملرد تەڭگە 250 جوبانى سۋبسيديالاۋعا باعىتتالىپ, تولىعىمەن يگەرىلدى. قوسىمشا 150 جوبانى سۋبسيديالاۋعا ءوتىنىم ءتۇسىپ, 2017 جىلعا 1,5 ملرد تەڭگە بولىنگەن.
بۇگىنگى تاڭدا سۋبسيديا تۇرىندە مەملەكەتتىك قولداۋعا ۇسىنىلاتىن جوبالاردىڭ كوبەيۋىنە بايلانىستى بولجام بويىنشا, 2018 جىلعا 450 جوباعا 5,3 ملرد تەڭگە قاجەت ەتىلەدى دەپ كۇتىلۋدە. بۇل ءوز كەزەگىندە, وڭتۇستىك قازاقستان وبلىستىق بيۋدجەت جۇكتەمەسىنىڭ كوبەيۋىنە اكەلىپ سوعادى. وسىعان سايكەس, وبلىس حالقىنىڭ الەۋەتىن جانە وبلىستىق بيۋدجەتتىڭ مۇمكىنشىلىگىن ەسكەرە وتىرىپ, اتالعان ماسەلەنى شەشۋ ءۇشىن 2018 جىلعا رەسپۋبليكالىق بيۋدجەتتەن قوسىمشا 2,3 ملرد تەڭگە قارجى ءبولۋ ماسەلەسى تۋىنداپ وتىرعانىن ايتىپ, ۇكىمەت باسشىسىنان وسى قاراجاتتىڭ ءبولىنۋى سۇرالدى.
ءبىزدىڭ ساۋالىمىزدى قولداپ سەناتورلار ا.بەيسەنباەۆ پەن ءا.بەكتاەۆ تا قول قويدى. شاعىن جانە ورتا بيزنەس – قوعامنىڭ تۇراقتى دامۋ نەگىزدەرىنىڭ ءبىرى. ولارعا مەملەكەت تاراپىنان جاعداي جاسالىنىپ, قولداۋ كورسەتىلمەسە, ول وزدىگىنەن دامىمايتىنىنا ۇكىمەت باسشىلىعى نازار اۋدارار دەگەن ۇمىتتەمىز.
ءالىمجان قۇرتاەۆ,
سەنات دەپۋتاتى
