ءىس-شاراعا ەكى ەلدىڭ بىرقاتار مەملەكەتتىك ورگاندارىنىڭ باسشىلارى مەن جاۋاپتى قىزمەتكەرلەرى قاتىستى.
كەزدەسۋ بارىسىندا قازاقستان مەن تاجىكستاننىڭ تەرروريزممەن جانە ءدىني ەكسترەميزممەن كۇرەس, زاڭسىز ميگراتسياعا قارسى ءىس-قيمىل سالالارىنداعى ارىپتەستىگىن كۇشەيتۋ ماسەلەلەرى قارالدى. سونىمەن قاتار تاراپتار اۋعانستانداعى اسكەري-ساياسي احۋال جانە وسى وڭىردەن تونەتىن قاۋىپ-قاتەرلەرگە قارسى تۇرۋ شارالارى جونىندە وي ءبولىستى.
سونداي-اق ۆ.جۇماقانوۆ ترانسشەكارالىق ۇيىمداسقان قىلمىسپەن جانە زاڭسىز ەسىرتكى اينالىمىمەن كۇرەسۋ ماسەلەلەرىنە قاتىستى ەكىجاقتى ءوزارا ءىس-قيمىلدىڭ ماڭىزدى ەكەنىنە نازار اۋداردى. تاراپتار اقپاراتتىق قاۋىپسىزدىك سالاسى بويىنشا تۇراقتى تۇردە دەرەكتەر الماسىپ تۇرۋدى جانە ەكى ەلدىڭ ماماندارى اراسىندا كەزدەسۋلەر وتكىزۋدى ۇسىندى.
وتكەن تالقىلاۋلاردىڭ ناتيجەسىندە قازاقستان رەسپۋبليكاسى مەن تاجىكستان رەسپۋبليكاسىنىڭ قاۋىپسىزدىك كەڭەستەرى قابىلدانعان بىرلەسكەن شەشىمدەردى ىسكە اسىرۋعا باعىتتالعان ناقتى قادامدار جاساۋ جونىندە ۋاعدالاستى.
