باسپانا ۋاقىتىندا بەرىلەدى

كەڭەستە نەگىزىنەن قالاداعى بىرقاتار قۇ­رىلىستاردى موينىنا العان “استا­ناستروي­ينۆەست” جشس-ءنىڭ نىساندارىن اياقتاۋ, تۇرعىن ءۇي كەشەندەرىنە قارجى بولىنگەننەن كەيىن ونى ماقساتتى پاي­دالانۋ جونىندە ماسەلەلەر قارالدى. وسى ماسەلە بويىنشا ءوزىنىڭ پىكىرىن بىلدىرگەن قالا اكىمىنىڭ ورىن­باسارى قازىر استانادا ۇلەسكەرلەردىڭ ماسە­لەسىن شەشۋ ءۇشىن اكىمدىك تاراپىنان بار­لىق جاعدايدىڭ جاسالىپ جاتقانىن, سوڭعى ەكى جىلدان بەرى 26 000 ازاماتتىڭ باسپانالى بولعا­نىن, سونىڭ ىشىندە وتكەن جىلى 1 335 ۇلەسكەرگە پاتەر كىلتتەرىنىڭ تاپسىرىل­عانىن ايتىپ, وسى جىلى تاعى 2 400 ۇلەس­كەردىڭ ءما­سە­لەسى شەشىلەتىنىن اتاپ ءوتتى. ال كۇن ءتار­تى­بىندەگى ماسەلە بويىنشا ول مى­ناداي ءمالى­مەت­تەرمەن ءبولىستى. قازىر “اليانس­ستروي­ينۆەست” جشس قالاداعى ۇلەسكەرلەردىڭ قار­جىسىنا تۇرعىن ۇيلەر سالىپ جاتقان كوم­پا­نيالاردىڭ ءبىرى بولىپ تابىلادى. سوڭعى كەزدەرى ۇلەسكەر­لەردىڭ قارجىسىنا ءۇي سالا­مىز دەپ حالىق­تىڭ اقشاسىن جىمقىرعان وقيعالاردىڭ بولعانى بەلگىلى. سوندىقتان كەيبىر ازا­ماتتاردىڭ مەرزىمىندە باسپانالى بولماي قالۋىنا الاڭدايتىن جوندەرى بار. دەگەن­مەن, “اليانسستروينۆەست” جشس-ءنىڭ سالىپ جاتقان نىساندارىنىڭ دەر كەزىندە اياقتالاتىنىنا سەنۋگە بولادى. ويتكەنى, قازىر بۇل كومپانيا “اتف بانك” اق پەن “سامۇرىق-قازىنا” جىلجىمايتىن م ۇلىك قورى” اق-پەن ءۇش جاقتى كەلىسىم جاسا­سۋ­دا. سونىڭ ناتيجەسىندە ۇكىمەتتىڭ ەكو­نو­ميكانى تۇراقتاندىرۋ جانە قۇرىلىس سالاسىن قولداۋ شارالارى اياسىندا “اليانسستروينۆەست” جشس اتالمىش قوردان ءوزى تۇرعىزىپ جاتقان “ينفينيتي” تۇرعىن ءۇي كەشەنىنىڭ ءبىرىنشى كەزەگىنىڭ قۇ­رىلىسىن جۇرگىزۋگە 1 740 134 000 تەڭگە, ال ەكىنشىسىنە 2 186 112 000 تەڭگە الىپ وتىر. سول سەكىلدى “گراتسيا-2” جانە “گرا­تسيا-3” تۇرعىن ءۇي كەشەندەرىن قارجى­لاندىرۋعا “سامۇرىق-قازىنا” جمق” اق-تان 821 727 000 تەڭگە بولىنسە, “اسي 33/23” تۇرعىن ءۇي نىساندارىنا 1 862 421 000 تەڭگە قاراستىرىلدى. مۇنىمەن قوسا, “اتف بانك” اق-تىڭ كومپانيانىڭ “گراتسيا-1” جانە “گراتسيا-3” كەشەندەرىن ءبى­تىرۋگە بولگەن قارجىسى 427 334 400 تەڭگە جانە 135 001 500 تەڭگە, “ورمان الاڭى” تۇرعىن القابىنىڭ ەكىنشى جانە ءۇشىنشى كە­زەگىن اياقتاۋعا بەرگەن قارجىسى 223 631 850 تەڭگە جانە 880 561 800 تەڭگە قۇرادى. وسى جەردە “اليانسستروينۆەست” جشس-ءنىڭ باس ديرەكتورى رينات ناي­مانوۆ تۇرعىن الاڭى بويىنشا مىناداي مالىمەتتەر كەلتىردى. ونىڭ ايتۋىنشا, قازىر “ورمان الاڭىنىڭ” قۇرىلىسى بويىنشا جۇمىستار قايتا باستالدى. وندا ىستەيتىن جۇمىسشىلار سانى 200-گە كوبەيتىلدى. وسى كۇندەرى №6 ءۇيدىڭ ەكىنشى كەزەگىنىڭ قۇرىلىسىنا جىلۋ جىبەرىلىپ, عيماراتتى ارلەۋ ءۇشىن جىلىتۋ جۇمىس­تارى جۇرگىزىلۋدە. جاقىندا №13 ءۇيدىڭ ءتورتىنشى كەزەگىنىڭ قۇرىلىس-مونتاج جۇمىستارىنا دايىندىق باستالدى. ونى وسى جىلدىڭ ءبىرىنشى توقسانىندا اياقتاۋ جوسپارلانىپ وتىر. ال تۇرعىن ءۇي الاڭىنىڭ تورتتەن جەتىنشىگە دەيىنگى كەزەكتەرى تۋرالى ايتقاندا, ول قازىر كومپانيانىڭ ولاردى اياقتاۋ جانە قارجىلاندىرۋ ماسەلەسىنىڭ “اتف بانك” اق جانە “سامۇرىق-قازىنا” جمق” اق-پەن ءۇش جاقتى كەلىسىم-شارت بويىنشا قاراستىرىلىپ جاتقانىن, قۇرى­لىستىڭ سەگىزىنشى كەزەگىن قارجىلاندىرۋ ماسەلەسى “سامۇرىق-قازىنا” قورىنىڭ وزىمەن كەلىسىلىپ وتىرعانىن ايتتى. كەڭەستە تۇرعىن ۇيلەر قۇرىلىسىن ۋاقىتىندا ءبىتىرۋ ماسەلەسى قارالدى. قالا اكىمىنىڭ ورىنباسارى “سامۇرىق-قازىنا” قورىمەن جانە ەكىنشى دەڭگەيلى بانك­­تەرمەن بىرىگىپ ىستەلىنىپ جاتقان جۇمىس­تاردىڭ كوپتەگەن ازاماتتاردىڭ باسپانالى بولۋىنا مۇمكىندىك بەرىپ وتىرعانىن, وسىنىڭ ءناتي­جەسىندە قازىر قالا بوي­ىن­شا ۇلەسكەرلەردىڭ قاتىسۋىمەن تۇرعى­زى­لىپ جاتقان 61 نىساننىڭ عانا قالعانىن, ونىڭ كەزەگىندە 12 900 ادامنىڭ تۇرعانىن ايتىپ, اكىمدىك وسى جىلى ۇلەسكەرلەردىڭ ماسەلەسىن شەشۋگە بار كۇشىن سالاتىنىن جەتكىزدى. ونىڭ ايتۋ­ىنشا, وسى ماسەلەگە بايلانىستى اكىمدىك بىرنەشە كومپانيا­مەن بىرىگىپ جۇمىس ىستەۋدە. سونىڭ ىشىندە بىرقاتار تۇرعىن ءۇي نىساندا­رىنىڭ قۇرىلىسىن موينىنا العان “اليانس­ستروي­ينۆەست” جشس دە بار. وسى جەردە اتال­مىش جشس باسشىسى كەڭەسكە قاتى­سۋشىلارعا بيىلعى جىلى نىسان­داردىڭ ءبارى كەزەگىمەن تاپسىرىلاتىنىن ايتتى. وندا ول “ورمان الاڭى” كەشەنىنىڭ №№ 6, 7, 8, 9, 10, 11 جانە 12 ۇيلەرى ناۋرىز بەن تامىز ايلارىنىڭ ارالىعىندا, “گراتسيا-1” ءشىل­دەدە, “گراتسيا-3” مامىر ايىندا, “ينفي­نيتي” تۇرعىن ءۇيىنىڭ ءبىرىنشى جانە ەكىنشى كەزەگىن شىلدە مەن جەلتوقسان ايىندا اياقتاۋ جوسپارلانىپ وتىرعانىن, ال وسى جىلى “اسي 33/23”, “گراتسيا-2”, “گراتسيا-4” نىساندارى مەن “ورمان الاڭى” تۇرعىن ءۇي كەشەنىنىڭ ءتورتىنشى جانە جەتىنشىگە دەيىنگى كە­زەگىندە وسى جىلى باستالاتىن قۇرىلىس-مون­تاج جۇمىستارى جازعا دەيىن اياقتالا­تى­نىن اتاپ ءوتتى. جالپى, ونىڭ سوزىنەن بەلگىلى بولعانداي, جشس ءوز ىسىنە وزگە كومپا­نيا­لار سياقتى نەم­قۇرايلى قارا­ماي, 2002 جىل­دان بەرى 500 000 شارشى مەتر بولا­تىن 17 نى­ساندى تاپسىرعان. ولاردىڭ قۇرىلىس-مونتاج جۇمىستارىنا بولىنگەن 40 ملرد.تەڭگەنى تولىعىمەن يگەرگەن. قازىر كومپانيا جۇمىس­شىلارعا جانە قۇرى­لىس ماتەريالدارىنا قارىز بولعان 80 ملن. تەڭگەنى وتەپ وتىر. بۇ­دان باسقا جشس-ءنىڭ 50 ملن. تەڭگە كو­لەمىندە قا­رىزى بار. بۇل قارجىنى كومپانيا تو­لىعىمەن وتەيتىنىنە سەنىمدى. داستان كەنجالين.