ءىس-شارا بارىسىندا قر ۇلتتىق ەكونوميكا ءمينيسترى تيمۋر سۇلەيمەنوۆ ستراتەگيالىق جوسپار 2025 جوباسى اياسىندا بيزنەس ورتانى دامىتۋ تۋرالى بايانداما جاسادى, «اتامەكەن» ۇكپ باسقارما توراعاسى ابىلاي مىرزاحمەتوۆ پەن ۇكپ وڭدەۋ سالاسى كوميتەتىنىڭ توراعاسى ۆلاديمير بوبروۆ بيزنەستىڭ مەملەكەتتىك ورگاندارمەن ىنتىماقتاستىعى جانە مەملەكەتتىك قولداۋ شارالارىنىڭ تيىمدىلىگى ماسەلەلەرى بويىنشا ءسوز سويلەدى.
ءوز كەزەگىندە بيزنەس قاۋىمداستىق تاراپىنان تالقىلاۋعا «Astana Group» كومپانيالار توبىنىڭ پرەزيدەنتى نۇرلان سماعۇلوۆ, «Technodom Operator» اق ديرەكتورلار كەڭەسىنىڭ توراعاسى ەدۋارد كيم, «رەدپرايس» جشس قۇرىلتايشىسى راميل مۋحورياپوۆ, «بازيس-ا» حولدينگىنىڭ ديرەكتورلار كەڭەسىنىڭ توراعاسى الەكساندر بەلوۆيچ, «سەنتراس كاپيتال» كومپانياسىنىڭ ديرەكتورلار كەڭەسىنىڭ توراعاسى ەلدار ابدىرازاقوۆ جانە «Smart Pay» جشس باس ديرەكتورى ولجاس قۇنداقباەۆ ءسوز سويلەدى.
كەزدەسۋ بارىسىندا قاتىسۋشىلار سونداي-اق بىرقاتار ماسەلەلەردى تالقىلادى, ونىڭ ىشىندە: قالالىق اۆتوبۋس باعدارلارىن سۋبسيديالاۋ, سالىقتىق اكىمشىلىكتەندىرۋدى تسيفرلاندىرۋ, كونسۋلتاتيۆتىك-كەڭەستىك ورگاندار جۇمىسىنىڭ تيىمدىلىگىن ارتتىرۋ, جەر تەلىمدەرى تۋرالى اقپاراتقا ونلاين-قولجەتىمدىلىكتى قامتاماسىز ەتۋ, شاعىن يندۋستريالىق ايماقتار قۇرۋ, جاو بەيىندىك ەمەس اكتيۆتەرىن نارىقتىق ورتاعا اۋدارۋ, سونداي-اق الماتىدا تولىق فورماتتى كاسىپكەرلەرگە قىزمەت كورسەتۋ ورتالىعىن اشۋ.
باقىتجان ساعىنتاەۆ شوب دامىتۋ ۇكىمەت جۇمىسىنىڭ ماڭىزدى باسىمدىقتارىنىڭ ءبىرى بولىپ تابىلاتىنىن, جانە مۇندا نەگىزگى ماقسات وتاندىق بيزنەستى دامىتۋعا جاعىمدى جاعداي جاساۋ ەكەنىن اتاپ ءوتتى.
بۇل ماسەلەدە بىرقاتار باعىتتار بويىنشا, اتاپ ايتقاندا قارجىلىق قولداۋ كورسەتۋ بويىنشا جۇمىس جۇرگىزىلۋدە. وسىلايشا, قازىرگى ۋاقىتتا بيزنەستىڭ 13 مىڭنان استام جوباسى قارجىلاندىرىلدى, ءونىمدى جۇمىسپەن قامتۋ جانە جاپپاي كاسىپكەرلىكتى دامىتۋ باعدارلاماسى قابىلداندى, ونىڭ اياسىندا اتاۋلى مولشەرلەمەسى 6%-دان اسپايتىن 18 ملن تەڭگەگە دەيىن شاعىن نەسيەلەر ۇسىنىلادى.
قارجىلىق كومەكپەن قاتار, زاڭنامالىق كومەك كورسەتىلەدى — بيزنەستى قايتا رەتتەۋ بويىنشا شارالار قابىلدانادى. بۇگىنگى تاڭدا رۇقساتتار سانى ءۇش ەسەدەن اساعا قىسقاردى جانە مەملەكەتتىك باقىلاۋ جانە قاداعالاۋ فۋنكتسيالارىن تەكسەرۋ جۇرگىزىلدى. ءىشىنارا تەكسەرۋ جۇرگىزۋدىڭ قازىرگى ءتارتىبى مەن ەرەكشە ءتارتىپ بويىنشا تەكسەرۋلەردىڭ كوپ بولىگىنەن باس تارتۋدى كوزدەيتىن پراكتيكالىق ۇسىنىمدار ازىرلەندى.
سونداي-اق, زاڭنامانى بيزنەستىڭ مەملەكەتتىك ورگاندارعا ەسەپتىلىك پەن مالىمەتتەردى ۇسىنۋ تۇرعىسىنان تەكسەرۋ جۇمىستارى اياقتالدى. جۇرگىزىلگەن جۇمىستىڭ ءبىرىنشى كەزەڭىندە شامامەن 1600 اقپاراتتىق تالاپتاردى 30% قىسقارتۋ جوسپارلانعان.
دەنساۋلىق ساقتاۋ جانە ءبىلىم بەرۋ نىساندارى قۇرىلىسىنىڭ نورماتيۆتىك-قۇقىقتىق جانە تەحنيكالىق اكتىلەرىندەگى تالاپتار دا ماڭىزدى ەكەنى اتاپ ءوتىلدى. اتالعان ماسەلەلەردى شەشۋ ءۇشىن جۇمىس توبى قىزمەت ەتەدى, جانە قنجانەە-گە قاجەتتى وزگەرىستەر ەنگىزىلەدى. كەلەسى كەزەڭدە دەنساۋلىق ساقتاۋ جانە ءبىلىم بەرۋ ۇيىمدارىنىڭ 30-دان استام ەسكىرگەن سانيتارلىق ەرەجەلەرىن الىپ تاستاۋ جوسپارلانعان.
نەگىزسىز سالىقتىق تەكسەرۋلەر بويىنشا پروبلەمالاردى شەشۋ ءۇشىن جوسپارلى تەكسەرىستەر سانى قىسقارادى, جەتكىزۋشىلەردىڭ قارسى تەكسەرۋلەرى جانە باسقالارى الىپ تاستالادى, قورىتىندىسىندا بۇل تەكسەرۋلەر سانىن 40% قىسقارتۋعا مۇمكىندىك بەرەدى.
بۇدان وزگە, بيزنەستىڭ مەملەكەتتىك ساتىپ الۋلارعا جانە كۆازيمەملەكەتتىك سەكتور ساتىپ الۋلارىنا قولجەتىمدىلىگىن قامتاماسىز ەتۋ بويىنشا ۇلكەن جۇمىس جۇرگىزىلدى, بۇل باعىتتا ساتىپ الۋلاردىڭ ەلەكتروندى الاڭى, ساناتتىلىق جانە بىلىكتىلىك الدى ىرىكتەۋ جۇيەسى ەنگىزىلدى. سونداي-اق, ءاربىر جۇيە قۇراۋشى كاسىپورىن بويىنشا جەرگىلىكتى قامتۋ ۇلەسىن ارتتىرۋ جۇمىسى جۇرگىزىلۋدە. اتاپ ايتقاندا, ءونىم نومەنكلاتۋراسىن جانە ءىرى كاسىپورىنداردا سۇرانىستى قالىپتاستىرۋ ءۇشىن تالداۋ جۇرگىزىلەدى.
قورىتىندىلاي كەلە, قر ۇكىمەتىنە بيزنەستىڭ دامۋىنا نە كەدەرگى كەلتىرەتىنىن, جانە ماسەلەلەردى شەشۋ ءۇشىن مەملەكەت تاراپىنان قانداي كومەك كورسەتىلە الاتىنىن ءبىلۋ ماڭىزدى ەكەنى اتاپ ءوتىلدى, سوندا اتالعان باعىتتا كەشەندى جۇمىستى قالىپتاستىرۋعا بولادى.
