قازاقستاننىڭ اتىنان مادەنيەت جانە سپورت مينيسترلىگىنىڭ قولداۋىمەن «سالتانات» بي ءانسامبلىنىڭ بەلدى ءارتىسى ەرنۇر قارىقبول قاتىستى.
ەرنۇر قارىقبول جەكە بي اتالىمىندا «موڭعول» جانە «اققۋ» بيلەرىن ورىندادى. شەتەلدەردەن كەلگەن ورىنداۋشىلاردىڭ شەبەرلىگىنە قاراماستان, ول وتە جوعارى كاسىبي تەحنيكالىق دەڭگەيدە ورىنداۋىمەن قازىلاردىڭ كوزىنە ەرەكشە ءتۇستى. وسىلايشا ەرنۇر قارىقبول ماحمۋد ەسامباەۆ اتىنداعى IX حالىقارالىق بيشىلەر كونكۋرسىنىڭ گران-پري جۇلدەگەرى اتاندى.
جۇلدەنى چەشەن رەسپۋبليكاسىنىڭ پرەزيدەنتى رامزان قادىروۆ ءوز قولىمەن تابىستادى. كونكۋرستىڭ سالتاناتتى جابىلۋ ءراسىمى ەرنۇر قارىقبولدىڭ ورىنداۋىنداعى «موڭعول» بيىمەن اياقتالدى.
ەرنۇر قارىقبول «سالتانات» بي ءانسامبلىنىڭ كوركەمدىك جەتەكشىسى – باس بالەتمەيستەر, «قۇرمەت» جانە «پاراسات» وردەندەرىنىڭ يەگەرى, قازاقستاننىڭ ەڭبەك سىڭىرگەن قايراتكەرى گۇلساۋلە ورۋمباەۆانىڭ شاكىرتى.
«ەگەمەن-اقپارات»
