اتالعان ءىس-شارانى ۇيىمداستىرۋشى – استانا قالاسى قازاقستان حالقى اسسامبلەياسى.
م. وتەمىسوۆ اتىنداعى وقۋشىلار سارايىنىڭ كونتسەرت زالىندا وتكەن ءىس-شاراعا قحا مۇشەلەرى, مەملەكەتتىك ورگاندار مەن ەتنومادەني بىرلەستىكتەردىڭ, قالامىزداعى جاستار ۇيىمدارىنىڭ وكىلدەرى جانە ەلوردامىزداعى كوللەدجدەر ستۋدەنتتەرى قاتىستى.
ء«تىل-دوستىقتىڭ التىن كوپىرى» بايقاۋى قازاقستاندىق ءپاتريوتيزمدى نىعايتۋ, مەملەكەتتىك ءتىلدىڭ ماڭىزىن جانە قازاقستاندىق جاستاردىڭ ازاماتتىق جاۋاپكەرشىلىگىن ارتتىرۋ, سونداي-اق شىعارماشىلىق اۋەلەتىن دامىتۋ مەن ولاردى رۋحاني-ادامگەرشىلىك تۇرعىسىنان تاربيەلەۋ ماقساتىندا وتكىزىلدى.
مەملەكەتتىك ءتىلدى ۇيرەنۋگە ارنالعان بايقاۋعا استانا قالاسىنداعى ەتنومادەني بىرلەستىكتەردىڭ جاستار قاناتى وكىلدەرى قاتىستى. بايقاۋدىڭ ءبىرىنشى تاپسىرماسىنا سايكەس, ءاربىر قاتىسۋشى «مەنىڭ وتانىم – قازاقستان» اتتى تۇسىرىلىمدىك ماڭىزى بار دەرەكتەرگە اۋىزشا وزىندىك وي-پىكىرلەرىن ءبىلدىردى جانە ودان ءارى سىناقتاردا ءتىل ساۋاتتىلىعىنان, قازىرگى زامان ادەبيەتى كلاسسيكتەرىنىڭ شىعارمالارىن وقۋدان, شەشەندىك قابىلەتتەرىن تانىتۋدان جانە ساحنادا ءوزىن ۇستاۋ شەبەرلىكتەرى بويىنشا سىناقتان ءوتتى.
بەدەلدى ادىلقازىلار مۇشەلەرى ءاربىر قاتىسۋشىنىڭ ماتىندەردى كوركەم وقۋ شەبەرلىگى مەن ماقام ساۋاتتىلىعىن باعالادى. سونىمەن بايقاۋدىڭ ەڭ جاس قاتىسۋشىسى «يۋنچي» دۇنگەندەر ەتنومادەني ورتالىعى» قب جاستار قاناتىنىڭ وكىلى زالينا يبراگيموۆاعا ءۇشىنشى ورىن بەرىلسە, «كۇمىس» ماراپاتى «استانا قالاسى وزبەك ەتنومادەني ورتالىعى» قب اتىنان قاتىسقان مۋحتارامحون ماماداليحوۆاعا تابىس ەتىلدى. مەملەكەتتىك ءتىلدى ۇيرەنۋگە ارنالعان بايقاۋ جۇلدەسىنە استاناداعى قازاقستان ۇيعىرلارىنىڭ رەسپۋبليكالىق مادەني ورتالىعى جاستار قاناتىنىڭ مۇشەسى روزالينا ماحمۋدوۆا لايىق دەپ تانىلدى. بايقاۋعا قاتىسۋشى جەڭىمپازدارعا ديپلومدار مەن باعالى سىيلىقتار تابىس ەتىلدى.
جالپى, قالالىق دەڭگەيدى قامتىعان ء«تىل – دوستىقتىڭ التىن كوپىرى» اتتى بايقاۋ بارلىق ۇلت جاستارىنىڭ مەملەكەتتىك ءتىلدى ۇيرەنۋگە دەگەن قىزىعۋشىلىعىن ارتتىرۋ ماقساتىندا وتكىزىلدى.
