تاڭ اتا قوراداعى مالىن دالاعا شىعارماق بولعان 8-سىنىپ وقۋشىسى مəدي وتەگەنوۆ ءتۇز تاعىسىمەن بەتپە-بەت كەلگەن. تاۋىق شۋلاپ, ءبىر نارسەدەن ۇرىككەندەي ازان-قازان بولعان سوڭ جۇگىرىپ بارعان ءمادي اۋزى-باسى قان-قان «ۇلكەن سۇر يتكە» تاپ بولىپتى. جەردەن كەسەك الىپ, ۇرماقشى بولعاندا ءتۇز تاعىسى قارسى سەكىرگەن. ابىروي بولعاندا ءجاسوسپىرىم جالما-جان قورانىڭ توبەسىنە شىعىپ كەتىپتى. وڭ اياعىنان تىستەگەن ءبورىنىڭ اۋزىن ەكىنشى اياعىمەن تەۋىپ ۇلگەرگەن.
ءماديدىڭ ايعايلاعان داۋىسىن ەستىگەن ۇلكەندەر كومەككە كەلىپ, جانبولات ەسىمدى كورشىسى شاقىرىلماعان قوناقتى مىلتىقپەن اتىپ تاستاعان.
ارينە, مəديگە اۋىلدىق فەلدشەرلىك پۋنكتتە العاشقى جاردەم كورسەتىلىپ, شۇعىل تۇردە جالپاقتال اۋرۋحاناسىنا جەتكىزىلدى. اۋرۋحانانىڭ باس دəرىگەرى الماس توعايباي ۇلىنىڭ ايتۋىنشا, ماديگە قۇتىرۋعا قارسى ۆاكتسينا جاسالعان.
– قازىر بالا حيرۋرگيالىق بولىمدە باقىلاۋدا. جاراسى تازا, اۋىرسىنۋ بەلگىلەرى جوق. ال اۋىلعا بەيمەزگىل كەلىپ, ەلدى ابىگەرگە سالعان قاسقىردىڭ ميى ۆەتزەرتحاناعا جىبەرىلدى, – دەيدى بىزگە قازتالوۆتىق ارىپتەسىمىز تۇراربەك قايىرعالي.
قازبەك قۇتتىمۇرات ۇلى,
«ەگەمەن قازاقستان»
باتىس قازاقستان وبلىسى
