فوتو: kostanaytany.kz
تورعايداعى وسپان قوجا مەشىتىنىڭ 25 جىلدىعىنا كەلگەن قۇرمەتتى قوناقتار جاركولدىكتەردىڭ قۋانىشىنا ورتاقتاسىپ, جىلى لەبىزىن ءبىلدىردى. قوستانايداعى مەشىتتىڭ باس يمامى باقىتبەك قاجى نۇرعابىل ۇلى جاڭا مەشىتتىڭ اشىلۋىمەن قۇتتىقتادى. ايتىسكەر اقىن مۇحتار نيازوۆ ارناۋىن ايتتى. اۋىلداعى ىسكەر ازاماتتار بوي كوتەرگەن جاڭا يماندىلىق ءۇيىنىڭ قۇرمەتىنە اس بەردى. استىڭ سوڭى ەلگە تانىمال اقىنداردىڭ ايتىسىنا, سونداي-اق ءبىرجان ءجۇزباي باستاپ كەلگەن ءونارپازداردىڭ əن-كۇيىنە ۇلاستى.
«اۋىلدا يماندىلىق ءۇيىنىڭ قاجەت ەكەنىن ۋاقىت كورسەتتى. اۋىل شاعىن بولسا دا, رۋحاني ازىق كەرەك, ول ادامنىڭ از-كوپتىگىنە قارامايدى. مەشىتتىڭ اشىلۋىنا ءبىر قۋانعان اۋىل ادامدارى, ايتىستى تىڭداپ تاعى جەلپىنىپ قالدى», دەيدى اقىن ابىلاي ماۋدانوۆ.
باقىتبەك قاجى نۇرعابىل ۇلى مەشىت قۇرىلىسىنىڭ باسى-قاسىندا جۇرگەن باقىت قابدىراشتى العىس حاتپەن ماراپاتتاپ, اۋىل جاستارى شاپان جاپتى. بۇل جاستاردىڭ ۇيىمشىلدىعى, اۋىلداستاردىڭ اۋىزبىرلىگى ارقاسىندا ىسكە اسقان ىزگىلىك بولدى.
ءنازيرا جارىمبەت,
«ەگەمەن قازاقستان»
قوستاناي
