"مەنىڭشە, نۇرسۇلتان ءابىش ۇلى نازارباەۆپەن كەزدەسۋ وتكىزۋ - مەنىڭ ەڭ دۇرىس شەشىمىم, - دەيدى ومۋربەك بابانوۆ. - مەن وعان اسا قۇرمەتپەن قارايمىن. قازاقستاندا جۇرگىزىلىپ جاتقان رەفورمالارعا تاڭدانىس بىلدىرەمىن, تاۋەلسىزدىك جىلدارى كەزىندە وسىنداي ءبۇتىن ەلدىڭ نەگىزىن سالدى .مەن بارلىعىنا ەۋروپاعا بارۋدىڭ قاجەتى جوق ەكەنىن ايتىپ, قازاقستانعا, ونداعى اۋىل شارۋاشىلىعى سالاسىنداعى رەفورمالارعا, كاسىپكەرلەردى قالاي قولدايتىنداتىن كورىپ قايتۋ كەرەكتىگىن ايتامىن. (...) ءبىز سوڭعى كەزدەسۋدە - مەن پرەزيدەنتتىككە ۇمىتكەر رەتىندە بولعاندا, سونداي-اق, وسىعان دەيىن ءبىرىنشى ۆيتسە-پرەمەر, پرەمەر-مينيستر بولعان كەزدە دە ءبىز نۇرسۇلتان ابىش ۇلىمەن ءبىر عانا نارسە تۋرالى سويلەسەمىز: ء"بىز باۋىرلاس حالىقپىز, اتالۋىمىز عانا ءارتۇرلى. ءبىز ءبىزدىڭ حالىقتارىمىز باۋىرلاس قارىم-قاتىناس ورناتۋى ءۇشىن جانە قىرعىزستاندا تەك تىنىشتىق, تۇراقتىلىق بولىپ, ەكونوميكاسى دامۋى ءۇشىن بارلىعىن جاساۋىمىز كەرەك". ول ۇنەمى وسى تۋرالى ايتاتىن".
سونىمەن قاتار, ومۋربەك بابانوۆ قازاقستاننىڭ قىرعىزستانداعى سايلاۋعا اسەرى تۋرالى سوزدەرگە پىكىرىن ءبىلدىردى.
"نۇرسۇلتان ابىش ۇلىمەن قانداي دا ءبىر باسقا اڭگىمە ايتىلسا, ول مەنى كوپشىلىكتىڭ الدىندا قابىلداماس تا ەدى. قازىر ەندى بىلاي ايتىلىپ جاتىر: "قىرعىزستانداعى سايلاۋ الدىنداعى ناۋقانعا ارالاسۋ". نۇرسۇلتان نازارباەۆتىڭ تاجىريبەسى مول, مەنىڭ دە تاجىريبەم از ەمەس. بۇلاي بولعاندا مەن وعان بىلاي دەپ ايتار ەدىم: "نۇرسۇلتان ءابىش ۇلى, مۇنى كوپشىلىكتىڭ الدىنا شىعارماي-اق قويۋعا بولادى". نەمەسە ول ءوزى سولاي ايتار ەدى. مۇنداي ماسەلەگە ارالاساتىندار, ونى كوپشىلىككە كورسەتپەيدى", - دەدى بابانوۆ.
ەسكە سالا كەتەيىك, كەشە, 12 قازاندا نۇرسۇلتان نازارباەۆ كەيبىر باق-تاردا جاريالانعان قىرعىزستان پرەزيدەنتتىگىنە وپپوزيتسيالىق ۇمىتكەردى قولدايدى دەگەن ماتەريالداردى جالعان دەپ اتاعان بولاتىن. "مۇنىڭ ءبارى جالعان", - دەگەن ەدى نازارباەۆ رەسەيلىك پرەزيدەنتتىڭ سوچيدەگى "بوچاروۆ رۋچەي" رەزيدەنتسياسىندا جۋرناليستەردىڭ سۇراعىنا جاۋاپ بەرىپ.
ايتا كەتەيىك, قىرعىزستاندا پرەزيدەنت سايلاۋى 15 قازاندا وتەدى. المازبەك اتامباەۆتىڭ پرەزيدەنتتىك مەرزىمى 1 جەلتوقساندا اياقتالادى. كونستيتۋتسيا بويىنشا ول پرزيدەنتتىككە قايتا سايلاۋعا تۇسە المايدى. پرەزيدەنتتىك سوتسيال-دەموكراتيالىق پارتياسىنان ۇمىتكەر سوورانباي جەەنبەكوۆتىڭ نەگىزگى قارسىلاسى ومۋربەك بابانوۆ.
قىركۇيەك ايىنىڭ سوڭىندا قازاقستان پرەزيدەنتى مەن بابانوۆتىڭ كەزدەسۋىنەن كەيىن قىرعىزستان مەن قازاقستان اراسىندا ديپلوماتيالىق داۋ شىققان بولاتىن. رەسمي بىشكەك استانانى "حالىق سايلاۋىنا ارالاسۋعا ارەكەت جاسادى" دەپ ايىپتادى. ال بۇعان جاۋاپ رەتىندە قر ءسىم وكىلدەرى نازارباەۆتىڭ ودان بۇرىن ءدال وسىنداي ەكىجاقتى كەزدەسۋدى جەەنبەكوۆپەن وتكىزگەنىن جانە وسى كەزدەسۋدە قازاقستاندىق ليدەردىڭ "قىرعىز رەسپۋبليكاسىنىڭ پرەزيدەنتتىگىنە قانداي دا ءبىر ۇمىتكەرگە قولداۋ ءبىلدىرىپ سولەمەگەنىن" مالىمدەگەن.
