وزدەرىڭىزگە ءمالىم, ەلباسى مەملەكەتتىك ءتىلدى لاتىن قارپىنە كوشىرۋ جونىندەگى جوبانى ىسكە اسىرۋ ءۇشىن قۇرىلعان جۇمىس توبىنىڭ مۇشەلەرىمەن كەزدەسۋىندە «الەمدە ەشبىر ەل جاڭا ءالىپبيىن بۇكىل حالىق بولىپ وسىلايشا تالقىلاعان ەمەس. ءبىز ءۇشىن ءاربىر ادامنىڭ پىكىرىن ءبىلۋ ماڭىزدى», دەدى. مۇنى ەلدەگى بيلىك پەن حالىق اراسىنداعى تۇسىنىستىكتىڭ جارقىن كورىنىسى دەپ سانايمىن.
ال ەندى ءوز باسىم بۇل ءالىپبيدىڭ سوڭعى نۇسقا ەمەس, ول ءالى دە جەتىلە تۇسەدى دەپ ويلايمىن. وتكەندەگى ديگرافتارمەن بەرگەن الىپبيگە قاراعاندا جاقسى, ىلگەرلەۋشىلىك بار. دەگەنمەن, الەۋمەتتىك جەلىلەردە قوعام بەلسەندىلەرى مەن قاراپايىم حالىق بۇل جولعى نۇسقادا دايەكشەلەردىڭ كوپ بولىپ كەتكەنىن ايتىپ, نارازىلىق تانىتۋدا.
نەگىزىنەن, الدا تاعى دا كەڭىنەن تالقىلاۋ بولادى دەپ سەنەمىن. ال مەنى قۋانتاتىنى – حالىقتىڭ جاپپاي لاتىن الىپبيىنە كوشۋگە دەگەن قۇلشىنىسىنىڭ جوعارى بولۋى.
باقىتگۇل حامەنوۆا,
ءماجىلىس دەپۋتاتى
