باسقوسۋ بارىسىندا سالالىق قاۋىمداستىقتار مەن كومپانيالارعا جالعان لوتەرەيالار جانە اقشا ۇتىسى بار ينتەرنەت-ويىندارىنىڭ زياندى اسەرى تۋرالى, سونداي-اق زاڭسىز ويىن بيزنەسىمەن اينالىساتىن تۇلعالاردىڭ, جالپى اۋماقتا ويىن اۆتوماتتارىن ورنالاستىرۋ ءۇشىن ورىنجايدى جالعا بەرۋشىلەر مەن ولاردىڭ يەلەرىنىڭ قىلمىستىق جاۋاپتىلىعى جونىندە كەزەكتى رەت حابارلانعانى ءمالىم بولدى. مۇنداي جۇمىستاردى كەشەندى تۇردە ۇيىمداستىرىپ تۇرۋ كوپتەگەن زاڭعا قايشى ارەكەتتەردىڭ جولىنا توسقاۋىل بولاتىن كورىنەدى. ماماندار تەكسەرىس قورىتىندىسىنىڭ ناتيجەسىز بولماعانىن العا تارتادى.
– ەكونوميكالىق تەرگەۋ قىزمەتىنىڭ مالىمەتى بويىنشا 2017 جىلدىڭ 8 ايى ىشىندە 50 ويىن مەكەمەسىنىڭ زاڭسىز جۇمىسى توقتاتىلدى. ونىڭ ىشىندە 43 مەكەمە ەلەكتروندى كازينومەن اينالىسسا, جەتەۋى – ويىن اپپاراتى زالى. 617 كومپيۋتەرلىك تەحنيكا, 246 تەلەديدار, 117 ەلەكتروندى تەرمينال, 21 ويىن اۆتوماتى مەن شامامەن 6 ملن تەڭگە اقشالاي قارجى الىندى, – دەپ مالىمدەدى الماتى قالاسى مەملەكەتتىك كىرىستەر دەپارتامەنتىنىڭ باسشىسى اسقار تىنىسبەكوۆ.
«كونسۋلتاتيۆتىك-كەڭەس بەرۋشى ورگاننىڭ الدىڭعى وتىرىسىنىڭ قورىتىندىسى بويىنشا بيزنەستىڭ ساۋالىنا قاتىستى «قازاقتەلەكوم» اق ەلەكتروندى شوت-فاكتۋرا اقپاراتتىق جۇيەسى كانالى وپەراتورىنىڭ وتكىزۋ قابىلەتىن ارتتىرۋ تۋرالى ۇسىنىس جولدادى. ناتيجەسىندە كانالدىڭ جۇگى تۇراقتالدى جانە 500 مبيت/س دەيىن رەتتەلدى. زاڭناماعا كەدەندىك تازالاۋ كەزىندە شەتەلدىك ۆاليۋتادا وپەراتسيانى قايتا ەسەپتەۋدە پايدا بولاتىن تيىن ايىرماشىلىعىن ەسەپتەۋگە قاتىستى وزگەرتۋ ەنگىزۋ ۇسىنىسى بويىنشا جوعارىدا اتالعان جاعدايلاردى زاڭنامانىڭ بۇزىلعانى دەپ قاراماۋ جانە كامەرالدىق باقىلاۋ جۇرگىزگەندە اكىمشىلىك جاۋاپكەرشىلىككە تارتپاۋ شەشىمى قابىلداندى», دەپ اتاپ ءوتتى ا.تىنىسبەكوۆ.
جيىندا ەلەكتروندى شوت-فاكتۋرانى بەرۋ كەزىندە قايتالاناتىن قاتەلىكتەر, «استانا-1» اقپاراتتىق جۇيەسىن ەنگىزۋ ماسەلەلەرى دە نازاردان تىس قالمادى.
كونسۋلتاتيۆتىك كەڭەس وتىرىسىنىڭ ماقساتى كاسىپكەرلىك سۋبەكتىلەرى مەن سالىق جانە كەدەن ىستەرى سالاسىندا قىزمەت اتقاراتىن تۇلعالارعا كومەك بەرۋ, سالىق جانە كەدەندىك رەتتەۋدى جەتىلدىرۋ, اكىمشىلەندىرۋدىڭ ءتيىمدى تاسىلدەرىن ەنگىزۋ, ەلىمىزدە بيزنەس جۇرگىزۋ ءۇشىن قاجەتتى جاعدايلار جاساۋ.
ارمان وكتيابر,
«ەگەمەن قازاقستان»
الماتى
