بۇگىن, 9 قازاندا ايماق باسشىسى نۇرلان نوعاەۆ دەپۋتاتتارعا قر پرەزيدەنت əكىمشىلىگىمەن كەلىسىلگەن قىزىلقوعا اۋدانىنىڭ جاڭا əكىمىنىڭ كانديداتۋراسىن ۇسىندى. ول - بۇعان دەيىن اتىراۋ وبلىستىق جەر قاتىناستارى باسقارماسىنىڭ باسشىسى بولعان ارمان باجەنوۆ.
اۋداندى وسىعان دەيىن باسقارعان ماقسوت مۇقانوۆ بۇگىن اتىراۋ وبلىستىق اۋىل شارۋاشىلىعى باسقارماسىنىڭ باسشىسى بولىپ تاعايىندالدى. نۇرلان نوعاەۆ ماقسوت مۇقانوۆقا اتقارعان قىزمەتى ءۇشىن العىس ايتىپ, جاڭا جۇمىس ورنىندا تابىس تىلەدى.
اۋداندىق مəسليحات سەسسياسىندا دەپۋتاتتار كانديداتۋرانى قولداعاننان كەيىن باجەنوۆ اۋدان اكتيۆىنە تانىستىرىلدى جəنە ايماق باسشىسىنان قىزىلقوعا اۋدانىنىڭ əلەۋمەتتىك-ەكونوميكالىق دامۋىنا قاتىستى بىرقاتار تاپسىرمالار الدى.
جاڭا تاعايىندالعان اۋدان əكىمى اتىراۋ مۇناي جəنە گاز ينستيتۋتىن, قازاق ۇلتتىق ۋنيۆەرسيتەتىن ينجەنەر-ەكونوميست, جەرگە ورنالاستىرۋشى ماماندىقتارى بويىنشا بىتىرگەن. "قر تəۋەلسىزدىگىنە 20 جىل", "قر كونستيتۋتسياسىنا 20 جىل" مەرەيتويلىق مەدالدارىمەن ماراپاتتالعان. "قۇرمەتتى جەرگە ورنالاستىرۋشى" بەلگىسىنىڭ يەگەرى.
ەڭبەك جولىن 2003 جىلى اتىراۋ وبلىسى قۇرمانعازى اۋدانى اقكول وكرۋگى əكىمىنىڭ باس مامانى جəنە əكىم ورىنباسارى قىزمەتىنەن باستاعان. 2006 جىلى قۇرمانعازى اۋدانى كوپتوعاي اۋىلدىق وكرۋگىنىڭ باس مامانى بولدى.
2007-2008 جىلدارى ارمان باجەنوۆ اتىراۋ قالالىق جەر قاتىناستارى بولىمىندە باس مامان, ءبولىم باسشىسىنىڭ ورىنباسارى قىزمەتىن اتقاردى. 2008 جىلى وبلىستىق جەر قاتىناستارى باسقارماسى باسشىسىنىڭ ورىنباسارى قىزمەتىنە اۋىستىرىلدى. 2015 جىلدان كۇنى بۇگىنگە دەيىن وسى باسقارمانىڭ باسشىسى بولدى.
