مينيستر 8 قازاندا حالىقارالىق ەلەكتر بايلانىسى وداعىنىڭ باس حاتشىسى ح. دجاومەن كەزدەستى. كەزدەسۋدە قازاقستاننىڭ اۋىلدىق ەلدى مەكەندەرىن وپتيكالىق-تالشىقتى جەلىلەرمەن قامتۋ ماسەلەسى تالقىلاندى.
سونىمەن قاتار, داۋرەن اباەۆ جاپونيانىڭ ىشكى ىستەر جانە كوممۋنيكاتسيالار مينيسترلىگىنىڭ ۇيلەستىرۋ جانە حالىقارالىق بايلانىس جونىندەگى ۆيتسە-ءمينيسترى ماساحيرو توميناگامەن كەزدەستى. ەكىجاقتى كەزدەسۋ بارىسىندا اقپارات, اقپاراتتىق-كوممۋنيكاتسيالىق ينفراقۇرىلىم جانە ينتەرنەتتەگى زاڭسىز كونتەنتكە قارسى تۇرۋ ماسەلەلەرى تالقىلاندى.
«جاپونيا بۇقارالىق اقپارات قۇرالدارىن دامىتۋ سالاسىندا مول تاجىريبەسى بار ەلدىڭ ءبىرى. اسىرەسە ءبىزدى جاپونيانىڭ وسى سالاداعى زاڭناماسىن دامىتۋ جولدارى قىزىقتىرادى. بۇگىن جاپونيانىڭ تەلەكونتەنتى الەمدە اقش-تان سوڭ 2-ءشى ورىندا تۇر. سونداي-اق ءبىز جاپونيانىڭ تسيفرلىق حابار تاراتۋ سالاسىنداعى تاجىريبەسىمەن دە تانىسقىمىز كەلەدى», - دەدى مينيستر داۋرەن اباەۆ ەكىجاقتى كەزدەسۋ بارىسىندا.
