قۇنى 506 ملن تەڭگە بولاتىن جوبانىڭ 300 ملن. تەڭگەسىن كاسىپكەر «بيزنەستىڭ جول كارتاسى-2020» باعدارلاماسى اياسىندا العان. مۇندا 70 ادام تۇراقتى جۇمىسپەن قامتىلىپ وتىر.
فابريكانىڭ جۇمىسىمەن تانىسقان وبلىس اكىمى ج.تۇيمەباەۆ شاعىن جانە ورتا كاسىپكەرلىكتى دامىتۋ, بۇل ەل ەكونوميكاسىنىڭ دامۋىنىڭ كەپىلى ەكەنىن ايتتى.
«جالپى ونەركاسىپتى دامىتۋ ەلباسىمىزدىڭ ءبىزدىڭ الدىمىزعا قويعان مىندەتىنىڭ ءبىرى. بۇگىن مىنە, سايرام اۋدانىندا قانشاما تۇرعىندى جۇمىسپەن قامتىپ وتىرعان جاڭا كاسىپورىن اشىلىپ وتىر. سونىمەن قاتار, فابريكانىڭ اشىلۋىمەن اۋداننىڭ وڭدەۋ ونەركاسىبىندەگى ۇلەسى ارتاتىن بولادى. سىزدەر ءوز سوزدەرىڭىزدە فابريكانىڭ ءونىمى يتاليا جيھازدارىنان كەم بولمايدى دەدىڭىزدەر. بۇدان بىلاي جۇرت «سايرام ساپاسى» دەگەن تەرميندى قولداناتىنداي دارەجەگە جەتىڭىزدەر»,-دەگەن اكىم كاسىپورىننىڭ جۇمىسشىلارىنا ساتتىلىك تىلەدى.
مۇنداعى ءونىمنىڭ ساپاسى جوعارى ساپالى نەمىس جانە يتالياندىق جابدىقتارى مەن قازىرگى زامانعى ماتەريالداردى پايدالانۋ ارقىلى قامتاماسىز ەتىلەدى. سونداي-اق, فابريكا ونىمدەرى ساپا مەنەدجمەنتى مەن ەكولوگيالىق تازا دەگەن سەرتيفيكاتپەن راستالعان. بۇدان بولەك, ءوندىرىس ورنى يتالياندىق ديزاينەرلەردىڭ قاتىسۋىمەن ەكولوگيالىق تازا ماتەريالداردى جانە سەنىمدى كومپونەنتتەردى پايدالانا وتىرىپ, تۇتىنۋشىعا تەك جوعارى ساپالى جيھاز ۇسىنباق.
«Bella Mebel» تاۋار بەلگىسىمەن شىعاتىن فابريكانىڭ ونىمدەرىن الداعى ۋاقىتتا ەلىمىزدىڭ بارلىق ايماقتارىنداعى جيھاز دۇكەندەرىنەن ساتىپ الۋعا بولادى.
جالپى سايرام اۋدانىنداعى ونەركاسىپ قۇرىلىمىنىڭ 86 پايىزىن وڭدەۋ ونەركاسىبى قۇراسا, ونىڭ ىشىندە جيھاز شىعارۋ سالاسىنداعى ۇلەسى 1 پايىزدى عانا قۇرايتىن. وسى رەتتە, اۋداندا اشىلىپ وتىرعان جيھاز شىعاراتىن فابريكا ءونىم كولەمىن 600 ملن.تەڭگەگە دەيىن ارتتىرىپ, وڭدەۋ ونەركاسىبىندەگى ۇلەسى 3 پايىزعا دەيىن ارتپاق.
