2013 جىلعى 2 ساۋىردە نيۋ-يوركتە جاسالعان شارت مىناداي ساناتتار شەڭبەرىندەگى كادىمگى قارۋ-جاراقتىڭ بارلىق تۇرلەرىنە قولدانىلادى: جاۋىنگەرلىك تانكتەر, جاۋىنگەرلىك بروندالعان ماشينالار, ۇلكەن كاليبرلى ارتيللەريالىق جۇيەلەر, جاۋىنگەرلىك ۇشاقتار, جاۋىنگەرلىك تىكۇشاقتار, اسكەري كەمەلەر, زىمىراندار مەن زىمىراندىق ۇشىرۋ قوندىرعىلارى, اتىس قارۋى مەن جەڭىل قارۋ-جاراق.
وسى شارتتىڭ ەرەجەلەرىن جۇزەگە اسىرۋ ءۇشىن ءاربىر قاتىسۋشى مەملەكەت ۇلتتىق باقىلاۋ ءتىزىمىن قوسا العاندا, ۇلتتىق باقىلاۋ جۇيەسىن قۇرادى جانە پايدالانادى, سونداي-اق وسى شارتقا قاتىستى ماسەلەلەر بويىنشا اقپارات الماسۋ ءۇشىن ۇلتتىق بايلانىس ورتالىعىن تاعايىندايدى.
شارتتىڭ قاتىسۋشى مەملەكەتتەرى كادىمگى قارۋ-جاراقتىڭ ەكسپورتىن نەمەسە ەكسپورتى بويىنشا ناقتى وپەراتسيالاردى جۇزەگە اسىرۋعا رۇقساتتار بەرۋدى ۇلتتىق ەسەپكە الۋدى جۇرگىزەدى جانە كادىمگى قارۋ-جاراقتىڭ رۇقسات ەتىلگەن نەمەسە ناقتى ەكسپورتى مەن يمپورتى تۋرالى اقپاراتتى قامتيتىن الدىڭعى جىل بويىنشا باياندامانى جىل سايىن ۇسىنادى.
شارتتا كادىمگى قارۋ-جاراقتى, وق-دارىلەر جانە زاقىمداۋ قۇرالدارىن, بولشەكتەرى مەن كومپونەنتتەرىن بەرۋگە تىيىم سالۋ جاعدايلارى دا جازىلادى.
وسى شارتتى راتيفيكاتسيالاۋ كادىمگى قارۋ-جاراقتىڭ حالىقارالىق ساۋداسىنا باقىلاۋدى بەلگىلەۋ جانە كۇشەيتۋ ارقىلى حالىقارالىق قاۋىپسىزدىكتى نىعايتۋعا, سونداي-اق ولاردىڭ زاڭسىز قايتا باعىتتالۋىنىڭ جانە زاڭسىز اينالىمىنىڭ جولىن كەسۋگە ىقپال ەتەتىن بولادى.
زاڭ جوباسى پالاتا قاراۋىنا ۇسىنىلدى.
