ءماجىلىستىڭ وتىرىسىندا «قازاق ءتىلىن جاڭعىرتۋدىڭ باستى كورسەتكىشى – لاتىن جازۋىنا كوشۋ» دەپ اتاپ كورسەتىلىپ, بۇل قادامنىڭ الەم قازاقتارىن بىرىكتىرەتىن ماڭىزدى فاكتور ەكەنىنە نازار اۋدارىلۋى سونىڭ تاعى ءبىر جارقىن دالەلى.
قاي ەل, قاي مەملەكەتتىڭ دە رۋحاني بولمىسىن تانىتاتىن ونىڭ ونەرى ەكەنى انىق. لاتىن الىپبيىنە كوشۋ – بۇل زامان تالابى. ال ونەر ادامدارى لاتىن ءالىپبيىن قولدانۋ ارقىلى الەمدەگى ەڭ دامىعان وركەنيەتتى ەلدەرمەن تەرەزەمىزدى تەڭەستىرە الامىز دەگەن پىكىردە. كەلەر ۇرپاقتىڭ بولاشاعى ءۇشىن جاسالعان يگى باستامانى قۋانا قابىل العان قازاقتىڭ ماڭدايالدى ونەر مايتالماندارىنىڭ بارلىق باق قۇرالدارىندا لاتىن ءالىپبيىنىڭ ەل تاعدىرىنداعى ماڭىزىن كورسەتىپ, ازاماتتىق وي-پىكىرىن ءبىلدىرىپ جاتقانى بۇكىلحالىقتىق قولداۋعا ۇلاسادى دەپ سەنەمىز. ءبىر-بىرىمەن تانىسىپ, شۇرقىراسىپ تابىسىپ, ءتۇسىنىسۋ ءۇشىن ءتىلدى قاجەت ەتپەيتىن بارشا ۇلتتار مەن حالىقتارعا ونەردىڭ ءتىلى قانداي تۇسىنىكتى بولسا, ەل مەن ەلدىڭ ۇعىنىسۋىنا لاتىن ءالىپبيى دە ءدال سونداي مىندەت اتقاراتىنىنا ەش كۇماندانۋدىڭ قاجەتى جوق. لاتىن گرافيكاسى جەر بەتىندەگى بارلىق حالىققا ورتاق امبەباپ جۇيەسى ارقىلى قازاق حالقىن دا الەمدىك كەڭىستىككە باتىل باستاپ بارا الادى. لاتىن ءالىپبيىن دامىعان مەملەكەتتەردىڭ قاتارىنا كىرۋ ءۇشىن جاسالعان العىشارت دەپ بىلەمىن.
ۇلتتىق ونەردىڭ قارا شاڭىراعى بولا بىلگەن م.اۋەزوۆ تەاترىنىڭ ۇجىمى بۇگىنگى – ەل بولاشاعى ءۇشىن قابىلدانعالى وتىرعان ماڭىزدى شەشىمگە قولداۋ كورسەتىپ, ەلىمىزدىڭ جاڭا الىپبيگە كوشۋىنە بەلسەندى اتسالىساتىن بولامىز.
ەرلان ءبىلالوۆ,
م.اۋەزوۆ اتىنداعى
قازاق مەملەكەتتىك اكادەميالىق دراما تەاترىنىڭ ديرەكتورى, قازاقستاننىڭ ەڭبەك سىڭىرگەن قايراتكەرى
الماتى
