جۋىردا قازاقستان زەرتتەۋ ورتالىعىنىڭ اشىلۋى بارىسىندا جاڭا كىتاپ قىتاي وقىرماندارىنا تانىستىرىلدى. بۇل ەڭبەك بۇعان دەيىن قازاق, ورىس, تۇرىك جانە اعىلشىن تىلدەرىندە باسىلعان بولاتىن. ەندى سيان ۋنيۆەرسيتەتىنىڭ ءتىل مامانى لي سىچاننىڭ اۋدارماسىمەن جۇڭعو جۇرتىنا جول تارتتى.
اۆتور ءوز ەڭبەگىندە شاكارىم قۇدايبەردى ۇلىنىڭ شىعارماشىلىق بولمىسىن تاريحي, ازاماتتىق جانە عىلىمي تۇرعىدان قاراستىرىپ, پۋبليتسيستيكالىق, فيلوسوفيالىق ەڭبەكتەرىنە جاڭاشا باعا بەرەدى. ەۋرازيا جازۋشىلار وداعىنىڭ توراعاسى ياكۋپ ومەروعلى اتالعان كىتاپتان قىتاي وقىرمانىنىڭ كوپ دۇنيە ولجالايتىنىن ايتسا, تاريح عىلىمدارىنىڭ دوكتورى تۇرسىنحان زاكەن ۇلى الداعى ۋاقىتتا شاكارىم پوەزياسىن جولما-جول قىتاي تىلىنە اۋدارۋعا قول جەتكىزۋدىڭ ماڭىزى جونىندە ايتتى. ال فيلوسوفيا عىلىمدارىنىڭ دوكتورى, اكادەميك عاريفوللا ەسىم شاكارىمنىڭ زامانىنان ەرتە تۋعان, كورەگەن اقىن ەكەنىن, سول كورەگەندىگى ءۇشىن اتىلىپ كەتكەنىن جەتكىزدى.
مەملەكەت باسشىسىنىڭ «رۋحاني جاڭعىرۋ» جوباسى اياسىندا قازاق مادەنيەتىن حالىقارالىق دەڭگەيدە تانىستىرۋ تۋرالى تاپسىرماسىنا سايكەس, دالا داناسى تۋرالى عۇمىرباياندىق كىتاپتىڭ قىتاي وقىرماندارىنا جەتۋى قازاق ادەبيەتى مەن مادەنيەتى ءۇشىن ۇلكەن بەلەس ەكەنىن ايتقان ابزال.
دۋمان اناش,
«ەگەمەن قازاقستان»
