ەڭبەك اۋلەتتەرى اراسىندا وتكىزىلگەن سايىستىڭ جەڭىمپازدارى بولىپ قازالى اۋدانىنداعى جاديەۆتەردىڭ پەداگوگتار وتباسى (36 ادام بار, بارلىق پەداگوگتىق ەڭبەك ءوتىلى 812 جىلدى قۇرايدى), تەمىرجولشىلار ناۋرىزباەۆتار جانۇياسى (8 ادام, بارلىعى 236 جىل جۇمىس ءوتىلى), ارال اۋدانىنان دارىگەرلەر قورعامباەۆتار وتباسى (4 ادام, 78 جىل جۇمىس ءوتىلى), جالاعاشتىق سۋ شارۋاشىلىعى سالاسىنىڭ قىزمەتكەرلەرى تابىنباەۆتار (8 ادام, 98 جىل جۇمىس ءوتىلى), جانە شيەلى اۋدانىنان ومارتاشى توقتىباەۆتار وتباسى (10 ادام, جالپى جۇمىس ءوتىلى 80 جىل) تانىلدى.
سالتاناتتى شاراعا وبلىس اكىمى قىرىمبەك كوشەرباەۆ قاتىسىپ, جينالعانداردى قۇتتىقتاپ, سىر ءوڭىرى قاشاندا ادال ەڭبەككەرلەرىمەن اتى شىعىپ كەلگەنىن اتاپ ءوتتى.
قىزىلوردا وبلىسىندا «دالا اكادەميگى» ىبىراي جاقاەۆ باستاعان 102 سوتسياليستىك ەڭبەكتىڭ ەرى بولعان. ەر ازاماتتارمەن بىرگە شىرىنكۇل قازانباەۆا, ساليما جۇمابەكوۆا, ۇلبالا التايباەۆا, جادىرا تاسپامبەتوۆا, زاكيرا ەرجانوۆا سەكىلدى ەڭبەك ەرلەرى وسكەلەڭ ۇرپاققا ونەگە. تاۋەلسىزدىك جىلدارى ولاردىڭ قاتارىن اتاقتى جەرلەستەرىمىز كاسىپكەر ابزال ەراليەۆ جانە حيرۋرگ يۋري پيا تولىقتىردى.
ء«بىز ەلىمىزدىڭ دامۋىنا ۇلەس قوسقان ەڭبەككەرلەرىمىزدىڭ ەڭبەگىن باعالايمىز. ايتا كەتەيىك, ەلباسىنىڭ 2013 جىلعى قاراشا ايىنداعى بۇيرىعىنا سايكەس, وسىمەن 4-ءشى جىل «ەڭبەك كۇنىن» اتاپ وتۋدەمىز», - دەدى وبلىس اكىمى.
بارلىق قاتىسۋشى وتباسىلار العىس حاتتارمەن ماراپاتتالىپ, باعالى سىيلىقتارعا يە بولدى.
سونداي-اق, فورۋم اياسىندا «ەڭبەك جولى» رەسپۋبليكالىق فورۋمنىڭ جەرگىلىكتى وڭىردە وتكەن سايىسىنىڭ جەڭىمپازدارى, «ەڭ ۇزدىك ەڭبەك ديناستياسى» نوميناتسياسىمەن ماريامكۇل تۇڭعىشمۇراتوۆا, «جۇمىسشى جاستاردىڭ جەتەكشىسى» نوميناتسياسىمەن شاركۇل ەسقوجا, «ونەركاسىپتەگى ەڭ جاس جۇمىسشى» نوميناتسياسىمەن راۋشان جۇماشەۆا ماراپاتتالدى.
مەرەكەلىك ءىس-شارا كونتسەرتتىك باعدارلامامەن جالعاستى.
