ەكسپو قارساڭىندا اكىمدىكپەن كورمە كەزىندە 65 مىڭنان استام بالعىندى تاسىمالداعان مەكتەپ اۆتوبۋستارى ساتىپ الىندى. قازىرگى ۋاقىتتا ولاردى وقۋشىلاردى تاسىمالداۋ ءۇشىن پايدالانۋ جوسپارلانۋدا, دەپ xابارلادى جۇما كۇنى "2016-2020 جىلدارعا ارنالعان استانا قالاسىن دامىتۋ جونىندە" باعدارلامانى ىسكە اسىرۋ بارىسىندا ەلوردانىڭ كولىك كەشەنىن جاڭعىرتۋعا ارنالعان "نۇر وتان" قالالىق پارتياسىنىڭ تىڭدالىمىندا "استانا قالاسى جولاۋشىلار كولىگى باسقارماسى" مم باسشىسى بەكمىرزا يگەنبەردينوۆ.
"كەلەسى كەستە بويىنشا جۇمىس اتقارىلاتىن بولادى: اتا-انالار مەكتەپتەرمەن كەلىسىم-شارتقا وتىرادى, ولار ءوز كەزەگىندە وپەراتورمەن قىزمەت كورسەتۋ جونىندە كەلىسىم جاساسادى,- دەدى ب.يگەنبەردينوۆ.
بۇعان دەيىن xابارلانعانداي, استانادا كوشە-جول جەلىسىنە جۇكتەمەنى تومەندەتۋ جانە قوعامدىق كولىكتىڭ الەۋەتىن ارتتىرۋ بويىنشا جوبالار ءارى قاراي جالعاسىن تابادى. وسىلايشا
«BusLane» جوباسى جالعاسادى. جاڭا اۆتوبۋس جولاقتارى الداعى ۋاقىتتا ش. ءۋاليxانوۆ جانە س. سەيفۋللين كوشەلەرىندە پايدا بولادى.
