بۇل ۇسىنىس باتىس قازاقستان وبلىستىق ءماسليحاتىنىڭ كەزەكتەن تىس XIII سەسسياسىندا قارالىپ, ونى ءماسليحات دەپۋتاتتارى ءبىراۋىزدان قولدادى.
«قۇرمەت» جانە «پاراسات» وردەندەرىمەن ماراپاتتالعان نۇرلان نوعاەۆ 2007-2016 جىلدارى باتىس قازاقستان وبلىسى اكىمىنىڭ ءبىرىنشى ورىنباسارى, باتىس قازاقستان وبلىسىنىڭ اكىمى قىزمەتتەرىن اتقارعان, 2016 جىلدىڭ ناۋرىزىنان بەرى اتىراۋ وبلىسىنىڭ اكىمى.
ايتا كەتەلىك, ءماسليحاتتىڭ وسى سەسسياسىندا “باتىس قازاقستان وبلىسىنىڭ قۇرمەتتى ازاماتى” اتاعى ۇوس ارداگەرى «II دارەجەلى ۇلى وتان سوعىسى», «ەڭبەك قىزىل تۋ», «قۇرمەت بەلگىسى», «قۇرمەت» وردەندەرىمەن قاتار «باتىرلىعى ءۇشىن», «گەرمانيانى جەڭگەنى ءۇشىن», «ستالينگرادتى قورعاعانى ءۇشىن» مەدالدارىنىڭ يەگەرى مۇحتار اجىعۇلوۆقا, الاشقا تانىمال اقىن اقۇشتاپ باقتىگەرەەۆاعا, بەلگىلى قازاق ءالپينيسى, قر الپينيستەر قۇرامىنىڭ كاپيتانى, «قۇرمەت» وردەنىنىڭ يەگەرى ماقسوت جۇماەۆقا دا بەرىلسىن دەگەن شەشىم قابىلداندى.
