وتىرىسقا جينالعاندارعا ءوز العىسىن بىلدىرگەن ءو.كودجامان الداعى ۋاقىتتا ورتاق جوبانىڭ جالعاسا بەرەتىن اتاپ ءوتتى. ونىڭ ايتۋىنشا, تۇركى حالىقتارىنىڭ تاريحىن ەگجەي-تەگجەيلى جيناعان كىتاپتىڭ وسكەلەڭ ۇرپاق ءۇشىن ماڭىزى وراسان.
«ەڭ اۋەلى, تۇركى كەڭەسى مەن تۇركى اكادەمياسى بىرلەسە وتىرىپ جاساعان وقۋلىقتى تالقىلاۋعا قاتىسىپ, ات سالىسقاندارعا ايتار العىسىم شەكسىز. الداعى ۋاقىتتا ورتاق گەوگرافيا, ادەبيەت كىتاپتارىن جازىپ شىعۋ جوسپاردا بار. بۇگىن ورتاق تۇركى تاريحىن قاعازعا تۇسىردىك. قازىرگى تاڭدا جاستار ءتۇرلى دەرەككوزدەردەن ءار قيلى اقپارات الادى. وسىنداي ساتتە ورتاق تاريح كىتابىنىڭ قاجەتتىلىگى تۋدى. وسىنداي قادام ارقىلى ۇرپاق الدىنداعى بورىشىمىزدى ادال اتقارىپ شىقتىق. بۇل وقۋلىق ‒ بۇكىل تۇركى الەمى كۇتكەن كىتاپ» ‒ دەدى ءو. كوجامان.
ەجەلگى تۇركى حالىقتارىنىڭ XV عاسىرعا دەيىنگى تاريحىن قامتىعان وقۋلىق 7 بولىمنەن تۇرادى. وندا ءتۇبى ءبىر تۇركى حالىقتارىنىڭ ەگجەي-تەگجەيلى تاريحى قامتىلعان. جاڭا تاريح كىتابى 8-سىنىپ وقۋشىلارىنا وقىتىلماق. وقۋلىقتىڭ جوباسى 2018 جىلى قىرعىزستاندا وتەتىن تۇركى كەڭەسى مەملەكەتتەرى باسشىلارىنىڭ VI سامميتىندە ۇسىنىلادى.
ارنايى جۇمىس توبىنا كىرگەن ماماندار اكادەميادا 3 كۇن بويى وقۋلىقتىڭ جوباسىن جان-جاقتى تالقىلاپ, قاجەتتى تۇزەتۋلەر ەنگىزىپ, مازمۇنىن تولىقتىردى. ساراپشىلار تۇركى تىلدەس مەملەكەتتەردىڭ ءبىلىم مينيسترلەرىنىڭ IV جيىنىندا قابىلدانعان شەشىمدەردى نەگىزگە الدى.
