فورۋم اياسىندا «ەڭبەك جولى» قالالىق كونكۋرسىنىڭ «ۇزدىك ەڭبەك اۋلەتى», «جۇمىس ىستەيتىن جاستاردىڭ ۇزدىك تالىمگەرى» جانە ء«وندىرىستىڭ ۇزدىك جاس مامانى» نوميناتسياسى بويىنشا جەڭىمپازدار جانە كاسىپتەرى بويىنشا ۇزدىكتەر ديپلومدارمەن جانە باعالى سىيلىقتارمەن ماراپاتتالدى.
ونلاين-داۋىس بەرۋدىڭ جانە استانا قالاسى اكىمدىگىنىڭ جانىنداعى «ەڭبەك جولى» كونكۋرسىنىڭ جەڭىمپازدارىن انىقتاۋ جونىندەگى كوميسسيا شەشىمىنىڭ قورىتىندىلارى بويىنشا «ەڭبەك جولى» كونكۋرسىنىڭ «ۇزدىك ەڭبەك اۋلەتى» نوميناتسياسى بويىنشا 1 ورىندى بازارباەۆتار اۋلەتى يەلەندى. تەمىرجول ترانسپورتى سالاسىنا وتباسىنىڭ 15 مۇشەسى ءوز ۇلەستەرىن قوسقان. اۋلەتتىڭ جالپى ەڭبەك ءوتىلى – 739 جىل.
2 ورىندى نوسيەۆتەر اۋلەتى يەلەندى. ءبىلىم سالاسىنا وزدەرىنىڭ ۇلەستەرىن وتباسىنىڭ 14 مۇشەسى قوسىپ وتىر. اۋلەتتىڭ جالپى ەڭبەك ءوتىلى – 327 جىل.
3 ورىن راقىمجانوۆتار اۋلەتىنە بەرىلدى. اۋلەتتىڭ باسشىسى راقىمجانوۆ ابدۋلا توكن ۇلى «استانا سۋ ارناسى» شجق مكك №3 ۋچاسكەسىنىڭ تەحنيكالىق قىزمەت كورسەتۋ ورتالىعىنىڭ شەبەرى. سونىمەن قاتار اتالعان كاسىپورىندا جۇبايى مەن قىزى دا ەڭبەك ەتەدى. اۋلەتتىڭ جالپى ەڭبەك ءوتىلى – 57 جىل.
«جۇمىس ىستەيتىن جاستاردىڭ ۇزدىك تالىمگەرى» نوميناتسياسى بويىنشا 1 ورىندى «استانا-ايماقتىق ەلەكترجەلىلىك كومپانياسى» اق پودستانتسيا قىزمەتىنىڭ 1 توپتاعى اعا ماستەرى بايسالدين قاستاي ءسارۋار ۇلى, 2 ورىندى «№ 5 قالالىق ەمحانا» شجق مكك-نىڭ باس دارىگەرىنىڭ مەديتسينالىق قىزمەت كورسەتۋدى باقىلاۋ جونىندەگى ورىنباسارى مۇلداعاليەۆا گۇلنار شاحمانقىزى جانە 3 ورىندى «قازپوچتا» اق «استانالىق پوچتامت» استانالىق فيليالىنىڭ وقىتۋ جانە دامىتۋ جونىندەگى باس مامانى كەرۆەنەۆا گۇلماعيزا ەرەجەپقىزى يەلەندى.
ء«وندىرىستىڭ ۇزدىك جاس مامانى» نوميناتسياسى بويىنشا 1 ورىندى «قازاحتەلەكوم» اق «استاناتەلەكوم» فيليالىنىڭ وڭىرلىك تەلەكوممۋنيكاتسيا ديرەكتسياسىنىڭ جەتەكشى مامانى جەكسەمباەۆ سايات قابدرعالي ۇلى, 2 ورىندى «استانا سۋ ارناسى» شجق مكك سىناۋ زەرتحانالارىنىڭ قاراپايىم لابورانتى قاليەۆ شەرنيازدان سەرىك ۇلى جانە 3 ورىندى «قازپوچتا» اق «استانالىق پوچتامت» استانالىق فيليالىنىڭ №4 سالەمدەمەلەر سۋپەرماركەتىنىڭ بايلانىس وپەراتورى دانياروۆا دينا اسقارقىزى يەلەندى.
فورۋمعا اتقارۋشى جانە وكىلەتتى ورگانداردىڭ, كاسىپوداق, ۇكىمەتتىك ەمەس ۇيىمداردىڭ, جۇمىس بەرۋشىلەردىڭ, جۇمىسشىلاردىڭ, باق-نىڭ وكىلدەرى قاتىستى.
