الەمدىك كەڭىستىككە باستار جول
قايتا جاڭعىرۋ زامانىنداعى بارلىق وزىق تەحنولوگيانىڭ ۇلگىسى بولىپ وتىرعان لاتىن الىپبيىنە كوشۋ بۇل – ەلىمىز ءۇشىن, ونەرىمىز بەن مادەنيەتىمىز ءۇشىن ۇلكەن رۋحاني قۇبىلىس. لاتىن ءالىپبيىن ەنگىزۋ – حالقىمىزدىڭ ءبىلىمى مەن مادەنيەتى, ونەرىنىڭ دامۋىنا تاعى ءبىر سەرپىلىس اكەلەتىن دارا جولى دەپ بىلەمىن.
رەسپۋبليكا پارلامەنتىنىڭ ماجىلىسىندە «مەملەكەتتىك ءتىلدىڭ لاتىن گرافيكاسىنداعى ءالىپبيىنىڭ بىرىڭعاي ستاندارتىن ەنگىزۋ ماسەلەلەرى تۋرالى» وتكەن تىڭداۋ پارلامەنتتىڭ ءوز سايلاۋشىلارىنىڭ كوڭىل كۇيىن, ەلىمىزدىڭ ەگەمەندىكتى بەكىتۋگە دەگەن ارمان-تىلەگىن جاقسى بىلەتىنىن كورسەتتى. ءماجىلىستىڭ وتىرىسىندا «قازاق ءتىلىن جاڭعىرتۋدىڭ باستى كورسەتكىشى – لاتىن جازۋىنا كوشۋ» دەپ اتاپ كورسەتىلىپ, بۇل قادامنىڭ الەم قازاقتارىن بىرىكتىرەتىن ماڭىزدى فاكتور ەكەنىنە نازار اۋدارىلۋى سونىڭ تاعى ءبىر جارقىن دالەلى.
ۇلتتىق ونەردىڭ قارا شاڭىراعى بولا بىلگەن م.اۋەزوۆ تەاترىنىڭ ۇجىمى بۇگىنگى – ەل بولاشاعى ءۇشىن قابىلدانعالى وتىرعان ماڭىزدى شەشىمگە قولداۋ كورسەتىپ, ەلىمىزدىڭ جاڭا الىپبيگە كوشۋىنە بەلسەندى اتسالىساتىن بولامىز.
بارشا قازاقستاندىقتاردى ەگەمەندىك پەن ەلدىك جولىنداعى بەتبۇرىستى قاداممەن شىن جۇرەكتەن قۇتتىقتايمىن. لاتىن ءالىپبيى – الەمدىك كەڭىستىككە ەنۋگە اپاراتىن جول!
ءاسانالى ءاشىموۆ,
قازاقستاننىڭ ەڭبەك ەرى,
م.اۋەزوۆ اتىنداعى قازاق مەملەكەتتىك اكادەميالىق دراما تەاترىنىڭ كوركەمدىك جەتەكشىسى
الماتى
بۇل – زامان تالابى
ءتىل – ادامزات قوعامىن قۇرۋ ءۇشىن حالىققا بەرىلگەن ماڭىزدى قۇرال. ونى وزگە دە مەحانيزمدەر سەكىلدى قوعامنىڭ دامۋى ءۇشىن ۇنەمى جەتىلدىرىپ, جاڭعىرتىپ وتىرۋ قاجەت. وسى ورايدا ءالىپبي تاڭداۋ اسا ماڭىزدى. بۇل باعىتتاعى باستامالارعا جەڭىل قاراۋعا بولمايدى.
جالپى, مەنىڭ قازاقستان ازاماتى جانە اسسامبلەيا مۇشەسى رەتىندە قازاق ءارپىن لاتىن الىپبيىنە كوشىرۋ تۋرالى ءوزىمنىڭ پىكىرىم بار.
مەملەكەت باسشىسى قازاق ءارپىن لاتىن الىپبيىنە كوشىرۋ ماسەلەسىنە بايىپپەن قاراپ, ءتۇرلى پىكىرلەر مەن ۇسىنىستاردى سارالاي كەلە ءوزىنىڭ ساليقالى شەشىمىن ايتتى. بۇل قادام دەر كەزىندە, بارلىق جاعداياتتار ەسكەرىلە وتىرىپ جاسالدى.
ءبىز لاتىنعا كوشۋ ىسىنە ۇلكەن دايىندىقپەن كەلدىك. كوپتەگەن شارالار اتقارىلدى. قوعامنىڭ پىكىرىنە باسا نازار اۋدارىلدى. قوعامىمىزدا لاتىنعا كوشۋدى قولدايتىنداردىڭ ءۇنى باسىم ءتۇستى. ويتكەنى لاتىنعا كوشۋ ۋاقىت تالابى, زامانا سۇرانىسى ەكەنىن حالىق تەرەڭ تۇسىنە ءبىلدى.
ەل بىرلىگىن نىعايتۋ, قازاقستان حالقىنىڭ بىرەگەيلىگىن دامىتۋ اسسامبلەيانىڭ باستى مىندەتتەرىنىڭ ءبىرى. وسى ورايدا ەل بىرلىگى مەن تاتۋلىعىنىڭ كەپىلى ەلباسى ەكەنىن ۇمىتپاۋىمىز كەرەك.
ءسوز سوڭىندا ايتارىم, مەملەكەت باسشىسىنىڭ قازاق ءتىلىن لاتىن الىپبيىنە كوشىرۋ باستاماسىنا بارشامىز قولداۋ بىلدىرگەنىمىز ءجون. ويتكەنى, ءوزىمىز تاڭداعان, ءوزىمىز سەنىم ارتقان ەلباسىنىڭ ءاربىر باستاماسى حالىق ءۇشىن اسا ماڭىزدى.
سەرگەي ۆيشنياك,
قازاقستان حالقى اسسامبلەياسى توراعاسىنىڭ ورىنباسارى
ۇلكەن ءۇمىتتىڭ ۇستىندەمىز
ەلباسى نۇرسۇلتان ءابىش ۇلى نازارباەۆ حالىققا جولداۋىندا قازاق جازۋىن لاتىن الىپبيىنە كوشىرۋ تۋرالى ۇسىنىس ايتتى.
ەلىمىز تاۋەلسىزدىك الىپ, ءتىلىمىز بەن سالت-ءداستۇرىمىزدى, تاريحي قۇندىلىقتارىمىزدى ەندى تۇگەندەپ, قازىنالارىمىزدى قايتارىپ جاتقان تۇستا قازاق ءالىپبيىن لاتىنعا كوشىرۋ تۋرالى پىكىر ايتقان عالىمدارىمىز, ساياساتتانۋشىلارىمىز بولدى. بىراق ول ۋاقىتتا كۇردەلى ءىستىڭ كۇرمەۋى كەلمەپ ەدى.
مىنە, بۇگىن بۇل باستامانى قولعا الىپ, ىسكە كوشەتىن ءسات تۋىپ وتىر. قازاق ەلىنىڭ ساياسي-ەكونوميكالىق, الەۋمەتتىك-مادەني, عىلىمي-اعارتۋشىلىق دامۋىن, حالىقارالىق كەڭىستىكتەگى ورنىن, ىشكى جانە سىرتقى جاعدايدى جان-جاقتى ەسكەرگەن مەملەكەت باسشىسى قازاق زيالىلارىنىڭ الدىنا ۇلكەن مىندەت قويدى.
ارينە, ءالىپبيدى قاشان جانە قانداي جولدارمەن اۋىستىرۋ قاجەتتىگىن دۇرىس قابىلداعان ءجون. ءالىپبيدى اۋىستىرۋعا ۇزاق ۋاقىت, قوماقتى قاراجات, سونىمەن قاتار ەڭ باستىسى ينتەللەكتۋالدىق كۇش-جىگەر كەرەك.
تاعى ءبىر ايتا كەتەرلىك جايت, كەيبىر اعايىندارىمىزدىڭ لاتىن الىپبيىنە كوشۋىندەگى ورىن العان ولقىلىقتارىن قايتالامايتىن وڭتايلى جولدى قاراستىرۋ قاجەت. بولاشاق ۇرپاق ەكى كەمەنىڭ باسىن ۇستامايتىنداي, جالپىعا جەڭىل, تىلدىك ورتاعا يكەمدى بولعانى ابزال. ءبىز وسىعان ءۇمىتتىمىز.
ماكەن ەرجان,
سولتۇستىك قازاقستان وبلىسى اكىمدىگىنىڭ جاستار ساياساتى باسقارماسىنىڭ ءبولىم باسشىسى
