«قۋاتتى ءارى ونىمدىلىگى جوعارى ماشينا جاساۋ سالاسىن قۇرۋ - ەلدىڭ ەكونوميكالىق دامۋىنىڭ ەڭ باسىم باعىتتارىنىڭ ءبىرى. مەملەكەت سالاعا جان-جاقتى قولداۋ كورسەتۋدە, سونداي-اق بۇل سالاعا ستراتەگيالىق ينۆەستورلاردى تارتۋ مەن اۋقىمدى يننوۆاتسيالاردى ەنگىزۋ تۇرعىسىندا بارلىق قاجەتتى جاعدايدى جاساۋدا. بۇگىندە قازاقستاندا وتاندىق كومپانيالارمەن بىرگە الەمدىك نارىقتىڭ كوشباسشىلارى دا وزدەرىنىڭ قىزمەتىن تابىستى تۇردە دامىتۋدا», - دەپ اتاپ وتىلگەن مەملەكەت باسشىسىنىڭ قۇتتىقتاۋىندا.
پرەزيدەنت وڭدەۋ ونەركاسىبىنىڭ جالپى كولەمىندە ماشينا جاساۋ ۇلەسى 10 پايىزعا جۋىق دەڭگەيدە ەكەنىن اتاپ ءوتتى. يندۋستريالاندىرۋ كارتاسى اياسىندا جۇزدەن استام جوبا ىسكە قوسىلىپ, ەلىمىزدە بۇرىندارى وندىرىلمەگەن بىرەگەي جوعارى تەحنولوگيالىق جاڭا ونىمدەر پايدا بولدى.
«ماشينا جاساۋ سالاسىن كەشەندى جاڭعىرتۋ مەن ونىڭ حالىقارالىق دەڭگەيدە جۇيەلى تۇردە العا جىلجۋى قازاقستاننىڭ جاھاندىق باسەكەگە قابىلەتتىگىن ارتتىرۋعا ءارى ەلىمىزدىڭ الەمنىڭ وزىق 30 مەملەكەتىنىڭ قاتارىنا قوسىلۋعا ىقپال ەتەتىنىنە سەنىمدىمىن», - دەلىنگەن ەلباسى قۇتتىقتاۋىندا.
ايتا كەتەيىك, استاناداعى فورۋمعا الەمنىڭ 16 ەلىنەن 800-گە تارتا دەلەگات قاتىسۋدا. ءداستۇرلى تۇردە ۇيىمداستىرىلىپ كەلە جاتقان بۇل شارا وسىمەن بەسىنشى رەت وتكىزىلىپ جاتىر.
