رەسپۋبليكالىق بيۋدجەتتەن قارجىلاندىرىلاتىن ءىس-شارالار بويىنشا باقىتجان ساعىنتاەۆ «الاتاۋ» يتپ مەن حالىقارالىق ات-تەحنوپاركى قىزمەتى بويىنشا قوسا العاندا, ينۆەستيتسيالاردىڭ اسەرى مەن قايتارۋىن ەسەپتەۋدى تاپسىردى. اكم-گە ۇلتتىق ەكونوميكا جانە قارجى مينيسترلىكتەرىمەن, باسقا دا مۇددەلى مەملەكەتتىك ورگاندارمەن جانە اكىمدىكتەرمەن بىرگە ەكى اپتالىق مەرزىمدە «تسيفرلىق قازاقستان» باعدارلاماسىنىڭ الەۋمەتتىك جانە ەكونوميكالىق اسەرىن جانە ونىڭ ءجىو وسىمىنە اسەرىن ۇسىنۋدى تاپسىردى.
قر ءبىلىم جانە عىلىم مينيسترلىگىنە ەكى اپتالىق مەرزىمدە ءبىلىم بەرۋدىڭ قازىرگى جۇيەسىن قايتا قاراۋ جانە ۇزدىكسىز وقىتۋعا كوشۋ بويىنشا ناقتى ۇسىنىستار ەنگىزۋ تاپسىرىلدى. سونداي-اق, ءبىلىم جانە عىلىم, اقپارات جانە كوممۋنيكاتسيالار, ينۆەستيتسيالار جانە دامۋ مينيسترلىكتەرىنە ەكى اپتانىڭ ىشىندە «الاتاۋ» يتپ, «نازارباەۆ ۋنيۆەرسيتەت», قۇرىلىپ جاتقان حالىقارالىق ات-تەحنوپاركى سياقتى عىلىمي-زەرتتەۋ ينستيتۋتتارى مەن جوعارى وقۋ ورىندارىنىڭ, يننوۆاتسيالىق كلاستەرلەردىڭ بازاسىندا قۇزىرەتتەر ورتالىقتارىن قۇرۋ جانە دامىتۋ بويىنشا ۇسىنىستار ەنگىزۋ تاپسىرىلدى.
بۇدان وزگە, قر اكم, يدم جانە بعم-گە جاڭا تەحنولوگيالاردى, يننوۆاتسيالىق شەشىمدەر ازىرلەمەلەرىن پايدالانۋدى, ستارتاپ ورتانى دامىتۋدى ىنتالاندىرۋ ءۇشىن جانە تسيفرلىق ەكونوميكادا فورسايتتى ۇيىمداستىرۋ بويىنشا زاڭناماعا وزگەرىستەر جونىندە ۇسىنىستار ەنگىزۋ تاپسىرىلدى.
بارلىق ازاماتتار تسيفرلاندىرۋ پروتسەستەرىن ءتۇسىنۋى ءۇشىن اقپارات جانە كوممۋنيكاتسيالار مينيسترلىگىنە مەملەكەتتىك ورگاندارمەن بىرگە سايكەس PR-ستراتەگيانى ازىرلەۋ تاپسىرىلدى.
وعان قوسا, اقپارات جانە كوممۋنيكاتسيالار مينيسترلىگىنە بارلىق وبلىس ورتالىقتارىنا قولدانىلاتىن استانا, الماتى, شىمكەنت جانە اقتوبە ءتيپى بويىنشا «اقىلدى قالالاردىڭ» تيپتىك تۇجىرىمداماسىن قالىپتاستىرۋ تاپسىرىلدى.
اقپارات جانە كوممۋنيكاتسيالار مينيسترلىگىنە 1 قازانعا دەيىن رەسەي جانە بەلارۋسپەن تسيفرلاندىرۋ سالاسىنداعى بىرلەسكەن جۇمىس بويىنشا سايكەس ۇسىنىستار ەنگىزۋ تاپسىرىلدى.
باقىتجان ساعىنتاەۆ «تسيفرلىق قازاقستان» باعدارلاماسىنىڭ بارلىق ماسەلەلەرىن پىسىقتاۋدى جانە ونى بيىل قاراشانىڭ سوڭىنا دەيىن ۇكىمەتتىڭ قاراۋىنا ەنگىزۋدى تاپسىردى. بۇل جۇمىستى ۇيلەستىرۋ قر پرەمەر-ءمينيسترىنىڭ ورىنباسارى اسقار جۇماعاليەۆكە جۇكتەلدى.
ەسكە سالساق, 13 قىركۇيەكتە مەملەكەت باسشىسىنىڭ قاتىسۋىمەن ەكونوميكانى تسيفرلاندىرۋ ماسەلەلەرى جونىندە رەسپۋبليكالىق كەڭەس ءوتتى, وندا «تسيفرلىق قازاقستان» باعدارلاماسىنىڭ جوباسى تانىستىرىلدى. كەڭەس بارىسىندا نۇرسۇلتان نازارباەۆ بىرقاتار ەسكەرتۋلەر ايتتى جانە قر ۇكىمەتىنە باعدارلاما جوباسىنا سايكەس تولىقتىرۋلار ەنگىزۋدى تاپسىردى.
