دەسەكتە,جوباعا قاتىسۋعا نيەتتى جاستاردىڭ سانى جىلدان جىلعا ارتىپ كەلەدى. وسىعان بايلانىستى جوباعا بولىنەتىن گرانت سانىن كەمىندە 5 مىڭعا كوبەيتۋ كوزدەلىپ وتىر. بۇگىن بۇل تۋرالى وبلىس اكىمى ج. تۇيمەباەۆتىڭ توراعالىعىمەن وتكەن سەلەكتورلىق وتىرىستا وبلىستىق جاستار ساياساتى ماسەلەلەرى باسقارماسىنىڭ باسشىسى بالمارجان ناربەكوۆا ءمالىم ەتتى.
ەلىمىزدە جاستاردىڭ ساپالى ءبىلىم الۋىنا مول مۇمكىندىك بەرىپ وتىرعان «سەرپىن-2050» جوباسى ەلباسىمىز نۇرسۇلتان ءابىش ۇلىنىڭ تاپسىرماسىمەن 2014 جىلدان بەرى جۇزەگە اسىرىلىپ كەلەدى. اتالعان جوبانىڭ ماقساتى - جاستاردى حالقى از قونىستانعان جانە ەڭبەك كۇشىن قاجەت ەتەتىن سولتۇستىك ايماقتارداعى جوعارى جانە كاسىپتىك-تەحنيكالىق وقۋ ورىندارىنا ورنالاستىرۋ جانە جۇمىسپەن قامتۋ. جالپى جوباعا 14 وبلىس قاتىسسا, ونىڭ ىشىندە 9-ى قابىلداۋشى, ال, 5-ءۋى جىبەرۋشى ءوڭىر.
«جوباعا ەلىمىزدەگى 133 جوعارى وقۋ ورىندارىنىڭ اراسىنان 25 جوعارى وقۋ ورىندارىندا پەداگوگيكالىق 15 ماماندىق, تەحنيكالىق 14, اۋىلشارۋاشىلىعى 9, ۆەتەريناريا 2 ماماندىق بويىنشا تالاپكەرلەر قابىلداۋدا. ماماندىقتاردىڭ جالپى سانى 40-قا جۋىقتايدى. جوباعا قاتىسۋشى ءاربىر تالاپكەرلەرگە بارلىق الەۋمەتتىك جەڭىلدىكتەر قاراستىرىلىپ, ستۋدەنتتەر ءۇشىن بارلىق ماتەريالدىق-تەحنيكالىق بازامەن تولىقتاي جابدىقتالعان», - دەدى بالمارجان پولاتقىزى.
اتالعان جوبا اياسىندا وبلىسىمىزداعى «جاستار رەسۋرستىق ورتالىقتارى» اۋىلدىق جەرلەردەگى 800-گە جۋىق جالپى ءبىلىم بەرەتىن مەكتەپتەردەگى ءبىتىرۋشى تۇلەكتەرمەن كەزدەسۋلەر ۇيىمداستىرىلعان. ناتيجەسىندە پەداگوگيكالىق ماماندىقتار بويىنشا 12 جوعارى وقۋ ورىنىنا, تەحنيكالىق, اۋىلشارۋاشىلىعى جانە ۆەتەريناريا ماماندىقتارى بويىنشا 22 جوعارى وقۋ ورىندارىنا 8 مىڭعا جۋىق تالاپكەرلەردەن قۇجاتتار قابىلدانىپ, ۇلتتىق تەستىلەۋ ورتالىعىنا جولدانعان.
«ەلىمىزدەگى «سەرپىن-2050» جوباسى تەگىن ءبىلىم الۋعا ۇلكەن مۇمكىندىك بەرەدى. بۇل باعدارلامانىڭ ساياسي ماڭىزدىلىعىن اۋدان, قالا باسشىلارى جاقسى ءتۇسىنىپ, ۇگىت-ناسيحات جۇمىستارىن جانداندىرۋى قاجەت. «سەرپىن -2050» جوباسى مەن حالىقتى سولتۇستىككە ءوز ەركىمەن كوشىرۋ باعدارلاماسىن بىرىكتىرۋ ماسەلەسىن ويلاستىرعان ءجون. ول ءۇشىن مونيتورينگ جۇمىستارىن جانداندىرىپ, ناقتى ۇسىنىستار ازىرلەنسىن», - دەدى جانسەيىت قانسەيىت ۇلى.
جيىندى قورىتىندىلىعان ءوڭىر باسشىسى وڭتۇستىكتەن سولتۇستىككە كوشىپ بارعان وتباسىلاردىڭ بالالارىن دا «سەرپىن» جوباسىمەن ءبىلىم الۋىنا ىقپال ەتىپ, جۇمىسپەن قامتۋ ماسەلەسىن نازارعا الۋدى تاپسىردى.
