مۇنداي جاعدايدى ءوز پايداسىنا ءساتتى پايدالانا بىلگەن الماتىنىڭ «قايراتى» سىرت الاڭدا ويناعانىنا قاراماستان «تاراز» كومانداسىن 5:1 ەسەبىمەن كۇيرەتە جەڭىپ, ۋاقىتشا بولسا دا كوش تىزگىنىن ءوز قولىنا العان بولاتىن.
بىراق «قايراتتىڭ» قۋانىشى ۇزاققا بارمادى. كەشە كەشكىسىن قىزىلوردادا جەرگىلىكتى «قايسارمەن» كەزدەسكەن «استانا» كومانداسى الاڭ يەلەرىن 4:1 ەسەبىمەن جەڭىپ, توپ باسىنا قايتا شىقتى.
جالپى, يسپان مامانى كارلوس فەررەرا كەلگەلى «قايرات» كومانداسى ۇپاي جوعالتقان جوق. قاتارىنان بەس رەت جەڭىسكە جەتكەن ۇجىم التىن جۇلدەدەن ءۇمىتىن ءالى دە بولسا ۇزبەي كەلەدى. بىراق, بۇل جەردە «استانانىڭ» الماتىلىقتاردان ەكى ويىنى كەم ەكەنىن ەستەن شىعارماۋ كەرەك. ەگەر دە «تەمىرجولشىلار» وسى ويىندارداعى مۇمكىن بولعان التى ۇپايدى تۇگەل الاتىن بولسا, وندا باستى باسەكەلەسىن شاڭىنا ىلەستىرمەي كەتەرى ابدەن مۇمكىن.
تۋردان تۋرعا «شاحتەردىڭ» ويىنى شيراپ كەلەدى. كوماندا ءوز الاڭىندا «وقجەتپەستى» 2:1 ەسەبىمەن تىزە بۇكتىرىپ, 30 ۇپايمەن التىنشى ورىنعا كوتەرىلدى. ال سوڭعى ءتورت ويىننىڭ بارىندە جەڭىلىسكە ۇشىراعان كوكشە فۋتبولشىلارى كوش سوڭىنا ءتۇستى.
تۋرنير كەستەسىندە قۇيرىق تىستەسىپ كەلە جاتقان «اقتوبە» مەن «اتىراۋ» ءوزارا كۇش سىناسىپ, كىم مىقتىنى انىقتاي المادى. تارتىسقا تولى ماتچ 2:2 ەسەبىمەن تەڭ اياقتالعان بولاتىن.
تۋرداعى كۇتپەگەن ناتيجەنىڭ ءبىرى پاۆلوداردا تىركەلدى. جەرگىلىكتى «ەرتىس» كوش سوڭىندا كەلە جاتقان «اقجايىقتان» 0:1 ەسەبىمەن جەڭىلىپ قالدى.
بۇل تۋردا قولا جۇلدە ءۇشىن كۇرەستى جالعاستىرىپ كەلە جاتقان «توبىل» وزىنەن ءبىر ساتى جوعارى تۇرعان «ورداباسىمەن» تەڭ ويناپ, ماڭىزدى دەگەن ەكى ۇپايدان ايىرىلدى. بۇل – قوستاناي فۋتبولشىلارىنىڭ بيىلعى بىرىنشىلىكتەگى توعىزىنشى تەڭ ويىنى. ال وڭتۇستىكقازاقستاندىق كوماندا ءۇشىن وسى جولعى تەڭ ويىننىڭ ولجا بولعانى راس. ويتكەنى, ولار «توبىلمەن» اراداعى ون ۇپاي ايىرماشىلىعىن ساقتاپ قالا الدى.
27-تۋردى پرەمەر-ليگا كوماندالارى مىناداي ناتيجەلەرمەن تۇيىندەدى:
«ەرتىس» – «اقجايىق» – 0:1 (0:0), پەرتسۋح, 73 (0:1). «توبىل» – «ورداباسى» – 0:0 (0:0). «تاراز» – «قايرات» – 1:5 (0:1), گوۋ, 18 (0:1). يسلامحان, 53 (0:2). يسلامحان, 65 – پەنالتيدەن (0:3). قوجامبەردى, 83 (1:3). انەنە, 87 (1:4). ارشاۆين, 89 (1:5). «اتىراۋ» – «اقتوبە» – 2:2 (2:2), ۆاليۋللين, 13 (0:1). سيكيميچ, 21 (1:1). شيمكوۆيچ, 30 (1:2). ماكسيموۆيچ, 43 – پەنالتيدەن (2:2). «شاحتەر» – «وقجەتپەس» - 2:1 (1:0), ستويانوۆيچ, 36 – پەنالتيدەن (1:0). حلەبوۋن, 76 (2:0). بولەشەۆ, 86 – پەنالتيدەن (2:1). «قايسار» – «استانا» – 1:4 (0:0), جانعىلىشباي, 46 (1:0), گراحوۆاتس, 60 (1:1), شيتوۆ, 66 (1:2), لوگۆينەنكو, 76 (1:3), تاعىبەرگەن, 90 (1:4).
كەلەسى 28-تۋر ويىندارى قىركۇيەكتىڭ 23-24 كۇندەرى وتەدى. 23 قىركۇيەك: «استانا» – «تاراز», 24 قىركۇيەك: «اقجايىق» – «شاحتەر», «وقجەتپەس» – «اتىراۋ», «قايرات» – «توبىل», «ورداباسى» – «ەرتىس», «اقتوبە» – «قايسار».
ال مۇنىڭ الدىندا, ياعني 20 قىركۇيەك كۇنى 30-تۋردىڭ ءۇش كەزدەسۋى ۋاقىتىنان بۇرىن وينالادى. الاڭ ۇستىندە «قايرات» – «ورداباسى», «اقجايىق» – «اتىراۋ», «اقتوبە» – «توبىل» كوماندالارى كۇش سىناساتىن بولادى.
قايرات ءابىلدا,
«ەگەمەن قازاقستان»
